December 15, 2019
December 15, 2019
ദോഹ : ദോഹമെട്രോ ഉപയോഗിക്കുന്നതിന് കൂടുതൽ ജനങ്ങളെ പ്രേരിപ്പിക്കുന്നതിന് നാല് പ്രധാന മെട്രോസ്റ്റേഷനുകളിൽ സൗജന്യ കാർ പാർക്കിങ്സൗകര്യം ഒരുക്കുന്നു. പാര്‍ക്ക്‌ ആന്‍ഡ്‌ റെയിഡ്‌ പദ്ധതി പ്രകാരം അല്‍ വക്ര, അല്‍ ഖാസ്സാര്‍, ലുസൈല്‍, എജുക്കേഷന്‍ സിറ്റി എന്നീ സ്റ്റേഷനുകളിലാണ് പാര്‍ക്കിംഗ് സൗകര്യം നല്‍കുകയെന്ന് ഗതാഗത മന്ത്രാലയം അറിയിച്ചു.
അല്‍ വക്രയില്‍ ഇപ്പോള്‍ തന്നെ പാര്‍ക്കിംഗ് സൗകര്യം ഒരുക്കിയിട്ടുണ്ട്. ഗള്‍ഫ്‌ കപ്പ്‌ ഫൈനല്‍ മത്സരം നടന്നപ്പോള്‍ ഈ പാര്‍ക്കിംഗ് സൗകര്യം ആളുകള്‍ ഉപയോഗിച്ചു. മറ്റു മൂന്ന് സ്റ്റേഷനുകളില്‍ അടുത്ത വര്‍ഷം ആദ്യത്തില്‍ സൌകര്യങ്ങള്‍ തയ്യാറാകും.
പാര്‍ക്കിംഗ് ലഭ്യത കൂടുതല്‍ വാഹന ഉടമകള്‍ക്ക് മെട്രോ സൗകര്യം ഉപയോഗിക്കാന്‍ സഹായകമാകും. നിരത്തുകളില്‍ ഗതാഗത കുരുക്കുകള്‍ ഒഴിവാക്കാനും ഇത് സഹായിക്കും.
പൊതുഗതാഗത സമ്പ്രദായം മെച്ചപ്പെടുത്താനും പരിസ്ഥിതി അനുകൂലമായ ഗതാഗതം പ്രോത്സാഹിപ്പിക്കാനും നിരവധി പദ്ധതികളാണ് ഗതാഗത മന്ത്രാലയം നടപ്പിലാക്കുന്നത്.
ഖത്തറിൽ നിന്നും ഗൾഫ് - അറബ് മേഖലയിൽ നിന്നുമുള്ള ഏറ്റവും പുതിയ വാർത്തകൾ മുടങ്ങാതെ ലഭിക്കാൻ ഇതുവരെ ഒരു ഗ്രൂപ്പിലും അംഗങ്ങളാവാത്തവർ +974 66200167 എന്ന വാട്സ് ആപ് നമ്പറിലേക്ക് സന്ദേശം അയക്കുക.
