Breaking News
ദുബായില്‍ ഒറ്റത്തവണ ഉപയോഗിക്കാവുന്ന ഉല്‍പ്പന്നങ്ങള്‍ പൂര്‍ണമായും നിരോധിക്കുന്നു | ദോഹ എക്സ്പോ 2023 ന് ഇന്ന് തിരശ്ശീല വീഴും  | അബ്ദുൾനാസർ മഅ്ദനിയുടെ ആരോഗ്യനില ഗുരുതരമെന്ന് റിപ്പോർട്ട്, വെന്റിലേറ്ററിലേക്ക് മാറ്റി | റമദാനിലെ അവസാന 10 ദിവസങ്ങളിൽ തന്നെ ഫിത്വർ സകാത്ത് നൽകിത്തുടങ്ങാമെന്ന് ഖത്തർ മതകാര്യ മന്ത്രാലയം | 'ഐ ലവ് സൗദി അറേബ്യ,' വിരമിക്കുന്നതിനെ കുറിച്ച് ഇപ്പോൾ ചിന്തിക്കുന്നില്ലെന്ന് ലയണൽ മെസ്സി | ഖത്തറിൽ പ്രമുഖ മെഡിക്കൽ സർവീസ് കമ്പനിയിലേക്ക് ഡ്രൈവറെ ആവശ്യമുണ്ട്; ഇപ്പോൾ അപേക്ഷിക്കാം | ഖത്തറിൽ എലൈറ്റ് എക്സിബിഷൻ ആരംഭിച്ചു  | കുവൈത്തിൽ തെരഞ്ഞെടുപ്പ് പരസ്യ ചട്ടങ്ങൾ ലംഘിച്ചാൽ വൻ തുക പിഴ | ഈദുൽ ഫിത്വർ: ഖത്തറിൽ ജനന-മരണ സർട്ടിഫിക്കറ്റ് നൽകുന്നതിനുള്ള സമയം പ്രഖ്യാപിച്ചു | മിഡിൽ ഈസ്റ്റ് മേഖലയിൽ എൽഎൻജി ദ്രവീകരണ ശേഷിയുടെ 75 ശതമാനവും ഖത്തറിന്  |
ദോഹ മെട്രോ ഉടൻ ഓടിത്തുടങ്ങും,തയാറെടുപ്പുകൾ തുടങ്ങി 

August 22, 2020

August 22, 2020

ദോഹ: ഖത്തറിൽ കോവിഡ് നിയന്ത്രണങ്ങളുടെ നാലാം ഘട്ട ഇളവുകൾ നിലവിൽ വരാൻ ദിവസങ്ങൾ മാത്രം അവശേഷിക്കെ ദോഹ മെട്രോ സർവീസുകൾ പുനരാരംഭിക്കാനുള്ള തയാറെടുപ്പുകൾ തുടങ്ങി. കോവിഡ് വ്യാപനം തടയുന്നതിനുള്ള എല്ലാ മുൻകരുതൽ നടപടികളും സ്വീകരിച്ചുകൊണ്ടായിരിക്കും സർവീസുകൾ പുനരാരംഭിക്കുക.സെപ്തംബർ ഒന്നിന് നാലാം ഘട്ട ഇളവുകൾ നിലവിൽ വരുന്നതോടെ ദോഹ മെട്രോ വീണ്ടും യാത്രക്കാരുമായി ഓടിത്തുടങ്ങുമെന്നാണ് വിവരം.

യാത്രക്കാരുടെ ശരീര താപനില പരിശോധിക്കാനുള്ള തെർമൽ സ്കാനറുകൾ മെട്രോ സ്റ്റേഷനുകളിൽ സ്ഥാപിച്ചിട്ടുണ്ട്.ശാരീരിക അകലം പാലിക്കുന്നത് ഉൾപെടെയുള്ള നിയന്ത്രണങ്ങൾ പാലിച്ചായിരിക്കും സർവീസുകൾ നടത്തുക.കഴിഞ്ഞ വർഷം മെയ് എട്ടിന് പ്രവർത്തനം തുടങ്ങിയ ദോഹ മെട്രോയിൽ റെഡ്,ഗ്രീൻ,ഗോൾഡ്‌ ലൈനുകളിലായി 36 സ്റ്റേഷനുകളാണ് ഉള്ളത്.2022 ലോകകപ്പ് ആകുമ്പോഴേക്കും മെട്രോ ട്രെയിനുകളുടെ എണ്ണം 75 ൽ നിന്ന് 110 ആയി വർധിക്കുമെന്ന് അധികൃതർ നേരത്തെ അറിയിച്ചിരുന്നു.

കോവിഡ് വ്യാപനം പ്രതിരോധിക്കുന്നതിന്റെ ഭാഗമായാണ് ഖത്തറിൽ ദോഹ മെട്രോ ഉൾപ്പെടെയുള്ള പൊതുഗതാഗത സംവിധാനങ്ങൾ താൽക്കാലികമായി നിർത്തിവെച്ചത്. നിലവിൽ മെട്രോ യാത്രാ സര്‍വീസ് നടത്തുന്നില്ലെങ്കിലും യന്ത്രോപകരണങ്ങള്‍ക്ക് കേടുപാടുകള്‍ സംഭവിക്കാതിരിക്കാന്‍ യാത്രക്കാരെ ഒഴിവാക്കി ട്രെയിനുകൾ ഓടുന്നുണ്ട്.

ന്യൂസ്‌റൂം വാർത്തകൾ ടെലഗ്രാമിൽ ലഭിക്കാൻ ഈ ലിങ്കിൽ ചേരുക.വാർത്തകൾ വാട്സ്ആപ്പിൽ ലഭിക്കാൻ +974 66200167 എന്ന നമ്പറിൽ ബന്ധപ്പെടുക.  

 


Latest Related News