August 30, 2020
August 30, 2020
ദോഹ: ദോഹ മെട്രോയിൽ ഇനി സൗജന്യ വൈഫൈ സംവിധാനവും. സെപ്തംബര് 1ന് ദോഹ മെട്രോ സര്വീസ് പുനരാരംഭിക്കുമ്പോൾ സൗജന്യ ഇന്റര്നെറ്റ് വൈഫൈ സേവനവും ലഭ്യമാകുമെന്നാണ് അധികൃതർ അറിയിച്ചത്. ആദ്യത്തെ 30 മിനുട്ട് നേരത്തേക്കായിരിക്കും സൗജന്യ ഇന്റർനെറ്റ് സേവനം ലഭ്യമാക്കുക. 30 മിനുട്ടിന് ശേഷമുള്ള അധിക ഉപയോഗത്തിന് പ്രത്യേക നിരക്ക് ഈടാക്കും. എന്നാല് അധിക ഉപയോഗവുമായി ബന്ധപ്പെട്ട വിവരങ്ങള് പുറത്തുവിട്ടിട്ടില്ല.
ദോഹ മെട്രോ സ്റ്റേഷനുകളിലും ട്രെയിനുകളിലുമാണ് യാത്രക്കാര്ക്ക് സെപ്തംബര് 1 മുതല് സൗജന്യ വൈഫൈ സേവനം നല്കുകയെന്ന് ദോഹ മെട്രോ ട്വീറ്റ് ചെയ്തു.
കോവിഡ്-19 നിയന്ത്രണങ്ങള് നീക്കുന്നതിന്റെ നാലാം ഘട്ടത്തോടനുബന്ധിച്ച് സെപ്തംബര് 1നാണ് ദോഹ മെട്രോ സര്വീസുകള് പുനരാരംഭിക്കുന്നത്. അതേസമയം, ആകെയുള്ളതിന്റെ 30 ശതമാനം ശേഷിയില് മാത്രമേ പ്രവര്ത്തിക്കുകയുള്ളൂവെന്ന് ഗതാഗത മന്ത്രാലയം കഴിഞ്ഞ ദിവസം വ്യക്തമാക്കിയിരുന്നു. രാജ്യത്ത് കോവിഡ്-19 വ്യാപനം റിപ്പോര്ട്ട് ചെയ്യപ്പെട്ടതിനെ തുടര്ന്ന് മാര്ച്ച് മാസത്തിലാണ് ദോഹ മെട്രോ സര്വീസ് നിര്ത്തിവെച്ചത്.
ന്യൂസ്റൂം വാർത്തകൾ ടെലഗ്രാമിൽ ലഭിക്കാൻ ഈ ലിങ്കിൽ ചേരുക.വാർത്തകൾ വാട്സ്ആപ്പിൽ ലഭിക്കാൻ +974 66200167 എന്ന നമ്പറിൽ ബന്ധപ്പെടുക.