Breaking News
ദുബായില്‍ ഒറ്റത്തവണ ഉപയോഗിക്കാവുന്ന ഉല്‍പ്പന്നങ്ങള്‍ പൂര്‍ണമായും നിരോധിക്കുന്നു | ദോഹ എക്സ്പോ 2023 ന് ഇന്ന് തിരശ്ശീല വീഴും  | അബ്ദുൾനാസർ മഅ്ദനിയുടെ ആരോഗ്യനില ഗുരുതരമെന്ന് റിപ്പോർട്ട്, വെന്റിലേറ്ററിലേക്ക് മാറ്റി | റമദാനിലെ അവസാന 10 ദിവസങ്ങളിൽ തന്നെ ഫിത്വർ സകാത്ത് നൽകിത്തുടങ്ങാമെന്ന് ഖത്തർ മതകാര്യ മന്ത്രാലയം | 'ഐ ലവ് സൗദി അറേബ്യ,' വിരമിക്കുന്നതിനെ കുറിച്ച് ഇപ്പോൾ ചിന്തിക്കുന്നില്ലെന്ന് ലയണൽ മെസ്സി | ഖത്തറിൽ പ്രമുഖ മെഡിക്കൽ സർവീസ് കമ്പനിയിലേക്ക് ഡ്രൈവറെ ആവശ്യമുണ്ട്; ഇപ്പോൾ അപേക്ഷിക്കാം | ഖത്തറിൽ എലൈറ്റ് എക്സിബിഷൻ ആരംഭിച്ചു  | കുവൈത്തിൽ തെരഞ്ഞെടുപ്പ് പരസ്യ ചട്ടങ്ങൾ ലംഘിച്ചാൽ വൻ തുക പിഴ | ഈദുൽ ഫിത്വർ: ഖത്തറിൽ ജനന-മരണ സർട്ടിഫിക്കറ്റ് നൽകുന്നതിനുള്ള സമയം പ്രഖ്യാപിച്ചു | മിഡിൽ ഈസ്റ്റ് മേഖലയിൽ എൽഎൻജി ദ്രവീകരണ ശേഷിയുടെ 75 ശതമാനവും ഖത്തറിന്  |
വിഷ് 2020 : ആരോഗ്യ സമ്മേളനത്തിന് ഇന്ന് ദോഹയിൽ തുടക്കം

November 15, 2020

November 15, 2020

ദോഹ : 2020 ലെ വേള്‍ഡ് ഇന്നൊവേഷന്‍ സമ്മിറ്റ് ഫോര്‍ ഹെല്‍ത്ത് (വിഷ്) ഞായറാഴ്ച ആരംഭിക്കും. 'ഒരു ലോകം നമ്മുടെ ആരോഗ്യം' എന്ന പ്രമേയത്തിൽ നടക്കുന്ന പരിപാടി വെര്‍ച്വല്‍ ആയാണ് നടക്കുക. കൊവിഡ്-19 ഉള്‍പ്പെടെയുള്ള പകര്‍ച്ച വ്യാധികളെ നേരിടുന്നതില്‍ വലിയ പങ്കു വഹിക്കുന്ന ലോകത്തെ പ്രമുഖ ആരോഗ്യ വിദഗ്ധര്‍ സമ്മേളനത്തിൽ പങ്കെടുക്കും.

പരിപാടിയില്‍ അമേരിക്കയുടെ നാഷണല്‍ ഇന്‍സ്റ്റിറ്റ്യൂട്ട് അലര്‍ജി ആന്റ് ഇന്‍ഫെഷ്യസ് ഡിസീസസ് അംഗവും വൈറ്റ് ഹൗസ് കൊറോണ വൈറസ് ടാസ്‌ക് ഫോഴ്‌സ് അംഗവും എച്ച്.ഐ.വി എയ്ഡ്‌സ് ഗവേഷകനുമായ ഡോ. ആന്റണി ഫൗസിയുമായി ബി.എം.ജെ എഡിറ്റര്‍ ഫിയോണ ഗോഡ്‌ലീ സംസാരിക്കും. കൊവിഡ്-19 മഹാമാരി എങ്ങനെ അവസാനിക്കും എന്നതാകും പ്രധാന വിഷയം. ഡാറ്റ അധിഷ്ഠിതമായി പകര്‍ച്ചവ്യാധികളെ നേരിടുന്നതിന്റെ പ്രാധാന്യവും അദ്ദേഹം വിശദീകരിക്കും.

ഗ്ലോബല്‍ ഫണ്ട് ടു ഫൈറ്റ് എയ്ഡ്‌സ്, ട്യൂബര്‍കുലോസിസ്, ആന്‍ഡ് മലേറിയയുടെ എക്‌സിക്യുട്ടീവ് ഡയറക്ടര്‍ പീറ്റര്‍ സാന്‍ഡ്‌സുമായി ബി.ബി.സിയുടെ മിഷല്‍ ഹുസൈന്‍ സംസാരിക്കും. ചർച്ചാ സെഷനുകള്‍ പൊതുജനങ്ങള്‍ക്ക് കാണാനും അവസരം ഉണ്ടാകും.

മുന്നൂറിലേറെ പ്രമുഖ വ്യക്തികളാണ് വിഷ് 2020 ല്‍ സംസാരിക്കുക. ലോകാരോഗ്യ സംഘടന ഡയറക്ടര്‍ ജനറല്‍ ഡോ. ട്രെഡോസ് അദാനോം ഗബ്രിയേസസ്, ഇംഗ്ലണ്ടിന്റെ മുന്‍ ചീഫ് മെഡിക്കല്‍ ഓഫീസര്‍ പ്രൊഫസര്‍ ഡാം സാലി ഡേവിസ്, സ്വീഡനിലെ ചീഫ് എപ്പിഡെമിയോളജിസ്റ്റ് ഡോ. ആന്‍ഡേഴ്‌സ് ടെഗ്‌നല്‍ എന്നിവര്‍ ഇതില്‍ ഉള്‍പ്പെടുന്നു.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന വാട്സ്ആപ് നമ്പറിൽ സന്ദേശമയക്കുക.
 


Latest Related News