December 17, 2020
December 17, 2020
ദോഹ: ഹമദ് അന്താരാഷ്ട്ര വിമാനത്താവളത്തിലൂടെ (എച്ച്.ഐ.എ) ഖത്തറിലേക്ക് കടത്താന് ശ്രമിച്ച മയക്കുമരുന്ന് ഗുളികകളും ഹാഷിഷും യാത്രക്കാരനില് നിന്ന് ജനറല് അതോറിറ്റി ഓഫ് കസ്റ്റംസ് പിടികൂടി.
യാത്രക്കാരനെ പരിശോധിക്കുന്നതിനിടെയാണ് ഇയാളുടെ പക്കല് നിന്ന് നിരോധിത മയക്കുമരുന്നുകള് കസ്റ്റംസ് കണ്ടെത്തിയത്.
166 ഗുളികകളും 6.95 ഗ്രാം ഹാഷിഷുമാണ് യാത്രക്കാരനില് നിന്ന് പിടികൂടിയതെന്ന് ഖത്തര് കസ്റ്റംസ് ട്വിറ്ററിലൂടെ അറിയിച്ചു.
മയക്കുമരുന്ന് ഉള്പ്പെടെയുള്ള നിരോധിത വസ്തുക്കള് രാജ്യത്തേക്ക് കൊണ്ടുവരരുത് എന്ന് യാത്രക്കാര്ക്ക് കസ്റ്റംസ് നിരന്തരമായി മുന്നറിയിപ്പ് നല്കുന്നുണ്ട്.
കള്ളക്കടത്ത് പിടികൂടാനുള്ള ഏറ്റവും ആധുനികമായ ഉപകരണങ്ങള് കസ്റ്റംസിന്റെ പക്കലുണ്ട്. കൂടാതെ യാത്രക്കാരുടെ ശരീരഭാഷ നിരീക്ഷിച്ച് മനസിലാക്കുന്നതിനും കള്ളക്കടത്തുകാരുടെ ഏറ്റവും പുതിയ രീതികളെ കുറിച്ച് മനസിലാക്കുന്നതിനുമുള്ള പരിശീലനവും കസ്റ്റംസ് ഉദ്യോഗസ്ഥര്ക്ക് നിരന്തരമായി നല്കുന്നുണ്ട്.
ന്യൂസ് റൂം വാര്ത്തകള് ടെലിഗ്രാമില് മുടങ്ങാതെ ലഭിക്കാനായി ഇവിടെ ക്ലിക്ക് ചെയ്യുക.
ന്യൂസ് റൂം വാര്ത്തകള് വാട്ട്സ്ആപ്പില് മുടങ്ങാതെ ലഭിക്കാനായി ഇവിടെ ക്ലിക്ക് ചെയ്യുക.
ന്യൂസ് റൂം ഫേസ്ബുക്ക് പേജ് ലൈക്ക് ചെയ്യാനായി ഇവിടെ ക്ലിക്ക് ചെയ്യുക.