April 10, 2021
April 10, 2021
ദോഹ : ഖത്തറിലെ അറിയപ്പെടുന്ന പൊതുപ്രവർത്തകനും ഖത്തർ ഇന്ത്യൻ സോഷ്യൽ ഫോറം സെക്രട്ടറിയുമായ അബ്ദുൽ ലത്തീഫ് മടിക്കേരി(56) നിര്യാതനായി.കോവിഡ് ബാധിതനായി ഹമദ് മെഡിക്കൽ കോർപറേഷനിൽ ചികിത്സയിലിരിക്കെ ശനിയാഴ്ച പുലർച്ചെയായിരുന്നു അന്ത്യം.വര്ഷങ്ങളായി ഖത്തർ ആഭ്യന്തര മന്ത്രാലയത്തിൽ ജോലി ചെയ്തുവരികയായിരുന്നു.
കർണാടകയിലെ മടിക്കേരിയാണ് സ്വദേശമെങ്കിലും ഖത്തറിലെ മലയാളികൾക്കൊപ്പം ജീവകാരുണ്യ പ്രവർത്തനങ്ങളിൽ സജീവമായിരുന്നു.നാടണയാൻ ബുദ്ധിമുട്ടുന്നവരും മറ്റു തൊഴിൽ പ്രശ്നങ്ങളിൽ പെട്ട് വിഷമിക്കുന്നവരുമായ നൂറുകണക്കിന് ഇന്ത്യക്കാർക്ക് അത്താണിയായിരുന്നു.
ഭാര്യ : ഫാത്തിമ സലീന. മക്കൾ : മുഹമ്മദ് മസിൻ,മുഹമ്മദ് മുഹാസ്,മുഹമ്മദ് മുഹാവിൻ,മലീഹ. കുടുംബം നാട്ടിലാണ്.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന വാട്സ്ആപ് നമ്പറിൽ സന്ദേശമയക്കുക