May 24, 2021
May 24, 2021
മസ്കത്ത് : ഒമാൻ കടലിൽ തുടർച്ചയായി രണ്ട് ഭൂചലനങ്ങൾ റിപ്പോർട്ട് ചെയ്തു. സുൽത്താൻ ഖാബൂസ് സർവകലാശാലയിലെ ഭൂകമ്പ നിരീക്ഷണ കേന്ദ്രമാണ് ഇക്കാര്യം അറിയിച്ചത്.
ആദ്യ ഭൂചലനം പുലർച്ചെ 4.45ന് ദിബയിൽ നിന്നും 19 കിലോമീറ്റർ അകലെ 10 കിലോമീറ്റർ ആഴത്തിലാണ് രേഖപ്പെടുത്തിയത്. റിക്ടർ സ്കെയിലിൽ 2.9 തീവ്രതയാണ് ഭൂചലനത്തിൽ രേഖപ്പെടുത്തിയത്.
രണ്ടാമത്തെ ഭൂചലനം രാവിലെ 7.24ന് ദിബയിൽ നിന്നും 18 കിലോമീറ്റർ അകലെ 10 കിലോമീറ്റർ ആഴത്തിലാണ് രേഖപ്പെടുത്തിയത്. റിക്ടർ സ്കെയിലിൽ 2.1 തീവ്രതയാണ് ഈ ഭൂചലനത്തിൽ രേഖപ്പെടുത്തിയത്.
രണ്ട് ഭൂചലനങ്ങളും തീവ്രത കുറഞ്ഞതായതിനാൽ നാശ നഷ്ടങ്ങളൊന്നും റിപ്പോർട്ട് ചെയ്തിട്ടില്ല. സുനാമി സാധ്യതയും ഇല്ലെന്നാണ് റിപ്പോർട്ട്.
ന്യൂസ്റൂം വാട്സ്ആപ് ഗ്രൂപ്പിൽ പുതുതായി ചേരാൻ