December 23, 2020
December 23, 2020
ദോഹ: അല് ഖോര് റോഡുമായുള്ള ഇന്റര്സെക്ഷനില് നിന്ന് അല് ഫര്ഖിയ ബീച്ചിലേക്കുള്ള അല് ഒഖ്ദ സ്ട്രീറ്റ് ഇരുദിശകളിലേക്കും അടയ്ക്കുമെന്ന് ഖത്തര് പൊതുമരാമത്ത് അതോറിറ്റിയായ അഷ്ഗല് അറിയിച്ചു. ഡിസംബര് 25 വെള്ളിയാഴ്ച മുതല് ഏഴ് ദിവസത്തേയ്ക്കാണ് അടയ്ക്കുക.
അല് ബെയ്ത് സ്റ്റേഡിയത്തിന് ചുറ്റുമുള്ള റോഡ് വികസന പദ്ധതിയുടെ ഭാഗമായി അല് ഒഖ്ദ സ്ട്രീറ്റിലെ അസ്ഫാല്റ്റ് ജോലികളുടെ അവസാന ഘട്ടം പൂര്ത്തിയാക്കാനാണ് സ്ട്രീറ്റ് അടയ്ക്കുന്നത്. ജനറല് ഡയറക്ടറേറ്റ് ഓഫ് ട്രാഫിക്കുമായി സഹകരിച്ചാണ് അഷ്ഗല് സ്ട്രീറ്റ് അടയ്ക്കുന്നത്.
Related News: ഗര്റാഫത് അല് റയ്യാന് ഇന്റര്ചേഞ്ച് ടണല് മൂന്നാഴ്ചത്തേയ്ക്ക് അടയ്ക്കും
യാത്രക്കാര്ക്ക് അഹമ്മദ് ബിന് ജാസിം സ്ട്രീറ്റ് അല്ലെങ്കില് അല് ഖോര് റോഡിന്റെ ഏതെങ്കിലും സൈഡ് റോഡുകളിലൂടെ ലക്ഷ്യസ്ഥാനങ്ങളിലേക്ക് പോകാം.
സ്ട്രീറ്റ് അടയ്ക്കുന്നതുമായി ബന്ധപ്പെട്ട സൂചനാ ബോര്ഡുകള് അഷ്ഗല് സ്ഥാപിക്കും. എല്ലാ യാത്രക്കാരും വേഗനിയന്ത്രണവും റോഡ് നിയമങ്ങളും പാലിച്ച് സുരക്ഷിതമായി വാഹനങ്ങള് ഓടിക്കണമെന്ന് അഷ്ഗല് അഭ്യര്ത്ഥിച്ചു.
ന്യൂസ് റൂം ഫേസ്ബുക്ക് പേജ് ലൈക്ക് ചെയ്യാനായി ഇവിടെ ക്ലിക്ക് ചെയ്യുക.
ന്യൂസ് റൂം വാര്ത്തകള് ടെലിഗ്രാമില് മുടങ്ങാതെ ലഭിക്കാനായി ഇവിടെ ക്ലിക്ക് ചെയ്യുക.
ന്യൂസ് റൂം വാര്ത്തകള് വാട്ട്സ്ആപ്പില് മുടങ്ങാതെ ലഭിക്കാനായി ഇവിടെ ക്ലിക്ക് ചെയ്യുക.