April 20, 2020
April 20, 2020
ദോഹ : കോവിഡ് വ്യാപനത്തെ തുടർന്ന് ലോക് ഡൗൺ പ്രഖ്യാപിച്ച ദോഹ വ്യവസായ മേഖലയിലെ ചില ഭാഗങ്ങൾ ബുധനാഴ്ച്ച തുറക്കും.സ്ട്രീറ്റ് 1,സ്ട്രീറ്റ് 2,വക്കാല സ്ട്രീറ്റ് എന്നീ ഭാഗങ്ങളിലെ നിയന്ത്രണങ്ങൾ ബുധനാഴ്ചയോടെ നീക്കം ചെയ്യുമെന്ന് വിദേശകാര്യ സഹമന്ത്രിയും ദേശീയ ദുരന്തനിവാരണ സമിതി സുപ്രീം കമ്മറ്റി വക്താവുമായ ലുൽവാ അൽ ഖാതിർ അറിയിച്ചു. തിങ്കളാഴ്ച രാത്രി ഖത്തർ ടെലിവിഷനിലൂടെയാണ് അവർ ഇക്കാര്യം അറിയിച്ചത്.. വ്യവസായ മേഖലയിലെ തൊഴിലാളികളിൽ കോവിഡ് വ്യാപനം കണ്ടെത്തിയതിനെ തുടർന്ന് ഈ ഭാഗങ്ങളിൽ പൂർണമായും ലോക് ഡൗൺ പ്രഖ്യാപിച്ചിരുന്നു.
പൊതുജനങ്ങളുടെ ആരോഗ്യ സുരക്ഷ കണക്കിലെടുത്ത് ആരോഗ്യമന്ത്രാലയത്തിന്റെ നിർദേശങ്ങൾ കൂടി കണക്കിലെടുത്ത് അവശേഷിക്കുന്ന ഭാഗങ്ങൾ കൂടി തുറക്കാനുള്ള ശ്രമങ്ങൾ തുടരുകയാണെന്നും അവർ പറഞ്ഞു.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക.
