March 08, 2021
March 08, 2021
ദോഹ: കോവിഡ് വാക്സിൻ സ്വീകരിച്ച രക്ഷിതാക്കൾക്കൊപ്പം ഖത്തറിലേക്ക് വരുന്ന കുട്ടികളെ ഹോട്ടൽ കൊറന്റൈൻ നിബന്ധനയിൽ നിന്ന് ഒഴിവാക്കിയതായി ഡിസ്കവർ ഖത്തർ അറിയിച്ചു.ഇന്ത്യ ഉൾപെടെ റെഡ് സോണില്‍ പെട്ട രാജ്യങ്ങളില്‍ നിന്ന് വരുന്നവര്‍ക്കുള്ള കോവിഡ് മാര്‍ഗനിര്‍ദേശങ്ങളാണ് പുതുക്കിയത്. ഇതു പ്രകാരം രണ്ട് ഡോസ് കോവിഡ് വാക്‌സിന്‍ സ്വീകരിച്ച രക്ഷിതാക്കളുടെ കൂടെ രാജ്യത്തേക്ക് മടങ്ങുന്ന കുട്ടികള്‍ക്ക്(16 വയസ്സ് വരെ) ഹോട്ടല്‍ ക്വാറന്റീന്‍ ആവശ്യമില്ല. എന്നാല്‍, ഇവര്‍ 7 ദിവസം വീട്ടില്‍ ക്വാറന്റീനില്‍ കഴിയണം. അതേസമയം, 16 മുതല്‍ 18 വയസ്സുവരെയുള്ള പ്രായപൂർത്തിയാവാത്ത കുട്ടികള്‍ വാക്‌സിന്‍ എടുക്കാത്തവരാണെങ്കില്‍ അവര്‍ ഹോട്ടല്‍ ക്വാറന്റീന്‍ ബുക്ക് ചെയ്യണമെന്നും അറിയിപ്പില്‍ പറയുന്നു.
രണ്ടാമത്തെ ഡോസ് കോവിഡ് വാക്‌സിന്‍ സ്വീകരിച്ച പതിനെട്ടോ അതിന് മുകളിലോ പ്രായമുള്ളവര്‍ക്ക് ഉടന്‍ രാജ്യം വിടാമെന്നും തിരിച്ചുവരുമ്പോള്‍ ക്വാറന്റീന്‍ ആവശ്യമില്ലെന്നും കഴിഞ്ഞ ദിവസം ആരോഗ്യ മന്ത്രാലയം അറിയിച്ചിരുന്നു. രണ്ടാമത്തെ ഡോസ് സ്വീകരിച്ച ശേഷം നാട്ടിലേക്ക് പോവുകയും വിദേശത്തു 14 ദിവസമെങ്കിലും പൂർത്തിയാക്കിയ തിരിച്ചുവരുന്നവർക്കുമാണ് ഈ ആനുകൂല്യം ലഭിക്കുക.അതായത്,നാട്ടിലെത്തി 14 ദിവസങ്ങൾക്ക് മുമ്പ് ഖത്തറിലേക്ക് മടങ്ങുന്നവർക്ക് ഹോട്ടൽ കൊറന്റൈൻ നിര്ബന്ധമായിരിക്കും.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ ആൻഡ്രോയിഡ് ഫോൺ ഉപയോഗിക്കുന്നവർ പ്ളേസ്റ്റോറിൽ നിന്നും newsroom connect ആപ് ഡൗൺ ലോഡ് ചെയ്യുക
