November 01, 2019
November 01, 2019
ദുബായ് : ദുബായിൽ മൂന്നാം നിലയിലെ പാര്ക്കിങ്ങില് നിന്നും കാര് നിയന്ത്രണം വിട്ട് താഴേക്ക് പതിച്ച് ഡ്രൈവര് മരിച്ചു.വ്യാഴാഴ്ച രാവിലെ എട്ടുമണിയോടെ ദുബൈ എയര്പോര്ട്ട് കാര്ഗോ വില്ലേജിലെ പാര്ക്കിങ് കെട്ടിടത്തിലാണ് അപകടം. കെട്ടിടത്തിന്റെ മൂന്നാം നിലയിലെ പാര്ക്കിങ്ങിൽ കാര് റിവേഴ്സ് എടുത്ത് നിര്ത്തുന്നതിനിടെ നിയന്ത്രണം വിട്ട് താഴേക്ക് പതിക്കുകയായിരുന്നു.
കെട്ടിടത്തിന്റെ ചുമരിലിടിച്ച് തകര്ന്നാണ് കാര് താഴേക്ക് മറിഞ്ഞതെന്ന് ദുബായ് പോലീസ് ട്രാഫിക് വിഭാഗം ഡയറക്റ്റർ ബ്രിഗേഡിയർ സെയ്ഫ് മുഹൈർ അൽ മസ്റൂയി അറിയിച്ചു. കാറിലുണ്ടായിരുന്ന ഡ്രൈവര് സംഭവസ്ഥലത്തു തന്നെ മരിച്ചു. ഏഷ്യന് വംശജനാണ് മരിച്ചത്. എന്നാല് ഏതു രാജ്യക്കാരനാണെന്ന വിവരം ലഭ്യമല്ല. അപകടത്തെ കുറിച്ച് പോലീസ് അന്വേഷണം ആരംഭിച്ചു.