Breaking News
ദുബായില്‍ ഒറ്റത്തവണ ഉപയോഗിക്കാവുന്ന ഉല്‍പ്പന്നങ്ങള്‍ പൂര്‍ണമായും നിരോധിക്കുന്നു | ദോഹ എക്സ്പോ 2023 ന് ഇന്ന് തിരശ്ശീല വീഴും  | അബ്ദുൾനാസർ മഅ്ദനിയുടെ ആരോഗ്യനില ഗുരുതരമെന്ന് റിപ്പോർട്ട്, വെന്റിലേറ്ററിലേക്ക് മാറ്റി | റമദാനിലെ അവസാന 10 ദിവസങ്ങളിൽ തന്നെ ഫിത്വർ സകാത്ത് നൽകിത്തുടങ്ങാമെന്ന് ഖത്തർ മതകാര്യ മന്ത്രാലയം | 'ഐ ലവ് സൗദി അറേബ്യ,' വിരമിക്കുന്നതിനെ കുറിച്ച് ഇപ്പോൾ ചിന്തിക്കുന്നില്ലെന്ന് ലയണൽ മെസ്സി | ഖത്തറിൽ പ്രമുഖ മെഡിക്കൽ സർവീസ് കമ്പനിയിലേക്ക് ഡ്രൈവറെ ആവശ്യമുണ്ട്; ഇപ്പോൾ അപേക്ഷിക്കാം | ഖത്തറിൽ എലൈറ്റ് എക്സിബിഷൻ ആരംഭിച്ചു  | കുവൈത്തിൽ തെരഞ്ഞെടുപ്പ് പരസ്യ ചട്ടങ്ങൾ ലംഘിച്ചാൽ വൻ തുക പിഴ | ഈദുൽ ഫിത്വർ: ഖത്തറിൽ ജനന-മരണ സർട്ടിഫിക്കറ്റ് നൽകുന്നതിനുള്ള സമയം പ്രഖ്യാപിച്ചു | മിഡിൽ ഈസ്റ്റ് മേഖലയിൽ എൽഎൻജി ദ്രവീകരണ ശേഷിയുടെ 75 ശതമാനവും ഖത്തറിന്  |
ഖത്തരി ഓഹരി വിപണിയില്‍ പ്രവാസികള്‍ക്ക് നിക്ഷേപം നടത്താന്‍ കഴിയുമോ? വിശദമായി അറിയാം

March 19, 2021

March 19, 2021

ദോഹ: കേരളത്തില്‍ നിന്നടക്കമുള്ള പതിനായിരക്കണക്കിന് പ്രവാസികളാണ് ഖത്തറില്‍ ജീവിക്കുന്നത്. തങ്ങളുടെ സമ്പാദ്യം നിക്ഷേപിക്കാന്‍ വിവിധ മാര്‍ഗങ്ങള്‍ തേടുന്നവരാണ് ഇവരില്‍ പലരും. പ്രവാസികള്‍ക്ക് ഖത്തരി ഓഹരി വിപണിയില്‍ നിക്ഷേപിക്കാന്‍ കഴിയുമോ എന്ന സംശയം നിരവധി പ്രവാസികള്‍ക്ക് ഉണ്ട്. 

ഖത്തര്‍ സ്റ്റോക്ക് എക്‌സ്‌ചേഞ്ചില്‍ ലിസ്റ്റ് ചെയ്തിരിക്കുന്ന സെക്യൂരിറ്റികള്‍ ട്രേഡ് ചെയ്യുന്നതിലൂടെ പ്രവാസികള്‍ക്ക് ഖത്തരി സ്റ്റോക്ക് മാര്‍ക്കറ്റില്‍ നിക്ഷേപം നടത്താം എന്നാണ് ഈ ചോദ്യത്തിനുള്ള ഒറ്റവരിയിലെ മറുപടി. 

ഖത്തര്‍ നാഷണല്‍ ബാങ്ക്, കൊമേഴ്‌സ്യല്‍ ബാങ്ക് ഓഫ് ഖത്തര്‍, പ്രമുഖ കമ്പനികളായ ബലാദ്‌ന, അല്‍ മീറ ബാര്‍വ ഹോള്‍ഡിങ്‌സ്, ഒറീദൂ, വോഡഫോണ്‍ എന്നിവയാണ് പ്രവാസികള്‍ക്ക് നിക്ഷേപിക്കാന്‍ കഴിയുന്ന ചില കമ്പനികള്‍. ഓഹരി വിപണിയില്‍ നിക്ഷേപിക്കാനായി കുറഞ്ഞ തുക നിശ്ചയിച്ചിട്ടില്ല എന്നതാണ് ഇതിലെ പ്രധാനപ്പെട്ട കാര്യം. ഒരു ട്രേഡ് നടത്താനായി മൊത്തം വിലയുടെ 0.00275 ശതമാനം ചെലവാകും. ഇടപാടിനുള്ള ഫീസായി 30 റിയാലും നല്‍കണം. 

നിക്ഷേപകനാകാന്‍ നിങ്ങള്‍ താഴെ പറയുന്ന കാര്യങ്ങള്‍ ചെയ്യണം: 

• ഖത്തറിലെ ഒരു ബാങ്കില്‍ സേവിങ്‌സ് അല്ലെങ്കില്‍ കറന്റ് അക്കൗണ്ട് തുറക്കുക. നിലവിലുള്ള അക്കൗണ്ടാണെങ്കിലും മതി. 

• നിങ്ങളുടെ ബാങ്കില്‍ പോയി ഐ.ബി.എ.എന്‍ സ്റ്റേറ്റ്‌മെന്റ് വാങ്ങുക. 

• ഖത്തര്‍ സെന്‍ട്രല്‍ സെക്യൂരിറ്റീസ് ഡെപ്പോസിറ്ററിയില്‍ പാസ്‌പോര്‍ട്ടും ഖത്തര്‍ ഐ.ഡിയുമായി പോകുക. പുതിയ ഷെയര്‍ഹോള്‍ഡറിനുള്ള അപേക്ഷാ ഫോം പൂരിപ്പിച്ച് രേഖകളും 100 റിയാലും നല്‍കുക. അപ്പോള്‍ നിങ്ങള്‍ക്ക് നാഷണല്‍ ഇന്‍വെസ്റ്റര്‍ നമ്പര്‍ ലഭിക്കും. 

• തുടര്‍ന്ന് ഖത്തര്‍ സ്റ്റോക്ക് എക്‌സ്‌ചേഞ്ചില്‍ ലിസ്റ്റ് ചെയ്തിരിക്കുന്ന എട്ട് സ്‌റ്റോക്ക് ബ്രോക്കര്‍മാരില്‍ ഒരാളുമായി നിങ്ങള്‍ അക്കൗണ്ട് തുറക്കണം. 

• നിങ്ങളുടെ അക്കൗണ്ട് ആക്റ്റിവേറ്റ് ചെയ്തും ധനസഹായം നല്‍കിയും ട്രേഡുകള്‍ നടത്തിയും ബ്രോക്കര്‍മാര്‍ നിങ്ങളെ സഹായിക്കും. 

• ഇത്രയും ചെയ്താല്‍ പോര്‍ട്ട്‌ഫോളിയോ നിര്‍മ്മിച്ചുകൊണ്ട് നിങ്ങള്‍ക്ക് സന്തോഷകരമായി നിക്ഷേപം ആരംഭിക്കാം. 

ഇത് സംബന്ധിച്ച കൂടുതല്‍ വിവരങ്ങളും നിക്ഷേപകര്‍ ചെയ്യേണ്ടതും ചെയ്യാന്‍ പാടില്ലാത്തതുമായ കാര്യങ്ങള്‍ ഖത്തര്‍ സ്റ്റോക്ക് എക്‌സ്‌ചേഞ്ച് വെബ്‌സൈറ്റില്‍ പ്രസിദ്ധീകരിച്ചിട്ടുണ്ട്. വെബ്‌സൈറ്റ് വിലാസം: https://www.qe.com.qa


ന്യൂസ് റൂം വാര്‍ത്തകള്‍ക്കായുള്ള പുതിയ ആന്‍ഡ്രോയിഡ് ആപ്പ് NewsRoom Connect ഡൗണ്‍ലോഡ് ചെയ്യാനായി ഇവിടെ ക്ലിക്ക് ചെയ്യൂ.

ന്യൂസ് റൂം വാര്‍ത്തകള്‍ വാട്ട്‌സ്ആപ്പില്‍ മുടങ്ങാതെ ലഭിക്കാനായി ഇവിടെ ക്ലിക്ക് ചെയ്ത് മെസേജ് അയക്കൂ.

ന്യൂസ് റൂം വാര്‍ത്തകള്‍ ടെലിഗ്രാമില്‍ മുടങ്ങാതെ ലഭിക്കാനായി ഇവിടെ ക്ലിക്ക് ചെയ്യൂ.

ന്യൂസ് റൂം വാർത്തകൾ ഫേസ്ബുക്കിൽ ലഭിക്കാനായി ഇവിടെ ക്ലിക്ക് ചെയ്ത് പേജ് ലൈക്ക് ചെയ്യൂ.


Latest Related News