April 07, 2021
April 07, 2021
അൻവർ പാലേരി
ദോഹ : ഖത്തറിന് പുറത്തുനിന്നും കോവിഡ് വാക്സിൻ സ്വീകരിക്കുന്നവർക്ക് ഖത്തറിൽ തിരിച്ചെത്തുമ്പോൾ നിബന്ധനകളോടെ ഹോട്ടൽ കൊറന്റൈൻ ഒഴിവാക്കുമെന്ന ആരോഗ്യ മന്ത്രാലയത്തിന്റെ പ്രഖ്യാപനം പ്രവാസികൾ ഏറെ ആഹ്ലാദത്തോടെയാണ് സ്വീകരിച്ചത്. എന്നാൽ ഇന്ത്യക്കാർക്ക് ഈ ആനുകൂല്യം എങ്ങനെ ഉപയോഗപ്പെടുത്താനാവും...?
നിലവിൽ കോവാക്സിൻ,കോവിഷീൽഡ് എന്നീ കോവിഡ് പ്രതിരോധ വാക്സിനുകളാണ് ഇന്ത്യയിൽ നൽകിവരുന്നത്.എന്നാൽ ഫൈസർ / ബയോൺടെക് വാക്സിൻ,മോഡേണാ വാക്സിൻ,ആസ്ട്ര സെനക്ക,ജോൺസൺ ആൻഡ് ജോൺസൺ എന്നീ നാല് വാക്സിനുകൾ സ്വീകരിച്ചു തിരിച്ചെത്തുന്നവർക്ക് മാത്രമാണ് ഖത്തറിൽ ഈ ആനുകൂല്യം ലഭിക്കുക. അതുകൊണ്ടു തന്നെ ഇന്ത്യയിൽ നിന്നും നേരിട്ട് ഖത്തറിൽ എത്തുന്ന ഇന്ത്യയിൽ നിന്നുള്ള പ്രവാസികൾക്ക് നിലവിൽ ഈ ഇളവ് ലഭിക്കില്ല. എന്നാൽ ദുബായ് ഉൾപ്പെടെയുള്ള മറ്റു ഗൾഫ് രാജ്യങ്ങളിൽ നിന്ന് ഇതിൽ ഏതെങ്കിലുമൊരു വാക്സിൻ സ്വീകരിച്ചതിന് ശേഷം ഖത്തറിൽ എത്തിയാൽ ഇളവ് പ്രയോജനപ്പെടുത്താൻ കഴിയും.മിക്ക ഗൾഫ് രാജ്യങ്ങളിലും ഫൈസർ / ബയോൺടെക് വാക്സിൻ,മോഡേണാ വാക്സിൻ,ആസ്ട്ര സെനക്ക,ജോൺസൺ ആൻഡ് ജോൺസൺ എന്നിവ ലഭ്യമായതിനാൽ ചുരുക്കം ചിലർക്കെങ്കിലും ഈ സൗകര്യം പ്രയോജനപ്പെടുത്താനാവും.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന വാട്സ്ആപ് നമ്പറിൽ സന്ദേശമയക്കുക