July 21, 2020
July 21, 2020
ദുബായ് : ഇന്ത്യയിൽ നിന്ന് യു.എ.ഇയിലേക്ക് വരുന്ന യാത്രക്കാരിൽ പന്ത്രണ്ട് വയസ്സിൽ താഴെയുള്ള കുട്ടികൾക്ക് കോവിഡ് പി.സി.ആർ പരിശോധന ആവശ്യമില്ലെന്ന് എയർ ഇന്ത്യ എക്സ്പ്രസ് അറിയിച്ചു. നിലവിൽ യു.എ.ഇ യിലേക്ക് തിരിച്ചുവരുന്നവർ ഇന്ത്യയിലെ അംഗീകൃത ലബോറട്ടറികളിൽ പരിശോധന നടത്തി കോവിഡ് മുക്ത സർട്ടിഫിക്കറ്റ് ഹാജരാക്കണമെന്നാണ് നിബന്ധന.യാത്ര പുറപ്പെടുന്നതിന് 96 മണിക്കൂർ മുമ്പുള്ള സർട്ടിഫിക്കറ്റാണ് ഹാജരാക്കേണ്ടത്. എന്നാൽ പന്ത്രണ്ട് വയസിൽ താഴെ പ്രായമുള്ള കുട്ടികൾക്ക് ഇതിന്റെ ആവശ്യമില്ലെന്ന് എയർ ഇന്ത്യ എക്സ്പ്രസ് ഔദ്യോഗിക ബ്ലോഗിൽ അറിയിച്ചു.കമ്പനിയുടെ ട്വിറ്റർ പേജിലും ഇക്കാര്യം അറിയിച്ചിട്ടുണ്ട്.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക