May 27, 2020
May 27, 2020
തിരുവനന്തപുരം: പ്രവാസികളില് നിന്ന് ക്വാറന്റൈനുള്ള പണം ഈടാക്കാനുള്ള സര്ക്കാര് നിര്ദേശം തെറ്റിദ്ധാരണയുണ്ടാക്കിയെന്ന് മുഖ്യമന്ത്രി പിണറായി വിജയന്. ഇക്കാര്യത്തില് ആശങ്ക വേണ്ടെന്നും പാവപ്പെട്ടവര്ക്ക് ബുദ്ധിമുട്ട് ഉണ്ടാകില്ലെന്നും അദ്ദേഹം പറഞ്ഞു.
ക്വാറന്റൈന് ചെലവ് താങ്ങാനാവുന്നവരില് നിന്നാണ് തുക ഈടാക്കുകയെന്നതാണ് സര്ക്കാര് നിലപാട്. അത് സംബന്ധിച്ച വിശദാംശങ്ങള് സര്ക്കാര് പിന്നീട് അറിയിക്കുമെന്നും മുഖ്യമന്ത്രി വ്യക്തമാക്കി.
ചില സംഘടനകള് വിമാനം ചാര്ട്ടര് ചെയ്ത് പ്രവാസികളെ കൊണ്ടുവരുന്നതില് സംസ്ഥാനത്തിന് വിരോധമില്ല. സംസ്ഥാനത്തിന് മുന്കൂട്ടി വിവരം ലഭിച്ചാല് ക്രമീകരണം നല്കുമെന്നും മുഖ്യമന്ത്രി കൂട്ടിച്ചേര്ത്തു.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക