October 03, 2019
October 03, 2019
ദുബായ്: ദുബായിലെത്തിയ മുഖ്യമന്ത്രി പിണറായി വിജയന് മലയാളി ബിസിനസ് സമൂഹം ഉജ്വല സ്വീകരണം നൽകി.ഡല്ഹിയില് നിന്നും എയര് ഇന്ത്യ വിമാനം വഴി ഇന്ന് (വ്യാഴാഴ്ച) വൈകിട്ടാണ് മുഖ്യമന്ത്രി ദുബായിലെത്തിയത്. വെള്ളിയാഴ്ച യുഎഇയില് നടക്കുന്ന മലയാളി പ്രവാസി നിക്ഷേപ സംഗമത്തില് മുഖ്യമന്ത്രി പങ്കെടുക്കും.
പുതുതായി രൂപം നല്കിയ ഓവര്സീസ് കേരളൈറ്റ്സ് ഇന്വെസ്റ്റ്മെന്റ് കമ്പനിയുടെ നേതൃത്വത്തിലാണ് ദുബൈയില് നാളെ നിക്ഷേപ സംഗമം നടക്കുന്നത്. പ്രവാസികളുടെ നിക്ഷേപം വിവിധ പദ്ധതികള്ക്കായി കേരളത്തിലേക്ക് ഉറപ്പാക്കുകയെന്ന ലക്ഷ്യത്തോടെയാണ് ദുബൈയില് സംഗമം ഒരുക്കിയിരിക്കുന്നത്. സംസ്ഥാന സര്ക്കാര് ആവിഷ്കരിച്ച നിക്ഷേപ പദ്ധതികള്ക്ക് ഊന്നല് നല്കുക, പ്രവാസികള്ക്ക് ഗുണകരമാകുന്ന നിക്ഷേപ പദ്ധതികള് അവതരിപ്പിക്കുക എന്നീ രണ്ട് ലക്ഷ്യങ്ങളാണ് സംഗമം കൊണ്ട് ലക്ഷ്യമിടുന്നതെന്ന് സര്ക്കാര് വിശദീകരിക്കുന്നു.