December 23, 2019
December 23, 2019
ദോഹ : ബോളിവുഡ് സംഗീത പ്രേമികളെ പാട്ടിന്റെ മാസ്മരികതയിലാറാടിക്കാൻ സോനു നിഗം അടുത്തമാസം ദോഹയിലെത്തുന്നു. ജനുവരി 23 ന് ഏഷ്യൻ ടൗണിലെ ആംഫി തിയേറ്ററിലാണ് സോനു നിഗം സംഗീത പരിപാടി അവതരിപ്പിക്കുക. ഖത്തർ ടൂറിസം കൗൺസിലുമായി ചേർന്ന് ക്യൂ ടിക്കറ്റാണ് പരിപാടി സംഘടിപ്പിക്കുന്നത്.
പതിനായിരത്തോളം ഹിന്ദി ചിത്രങ്ങൾക്ക് പിന്നണി പാടിയ സോനു നിഗം നാൽപതിലേറെ പ്രധാന പുരസ്കാരങ്ങൾ നേടിയിട്ടുണ്ട്. ഖത്തറിലെ വിവിധ ഇന്ത്യൻ ഭാഷകളിലെ സംഗീതാസ്വാദകർക്ക് സോനു നിഗത്തിന്റെ സംഗീത പരിപാടി വേറിട്ട അനുഭവമാകും. ടിക്കറ്റുകൾ ക്യൂ ടിക്കറ്റ് വഴി മാത്രമാണ് ലഭ്യമാവുക.