April 29, 2020
April 29, 2020
മുംബൈ : പ്രമുഖ ബോളിവുഡ് നടൻ ഇർഫാൻ ഖാൻ അന്തരിച്ചു. മുംബെെയിലായിരുന്നു അന്ത്യം. വൻ കുടലിലെ അണുബാധയെ തുടർന്ന് ചികിത്സയിലായിരുന്നു. 54 വയസ്സായിരുന്നു. മുംബെെയിലെ കോകിലാബെൻ ധീരുഭായി അംബാനി ആശുപത്രിയിൽ ചികിത്സയിലിരിക്കെയായിരുന്നു അന്ത്യം.ഭാര്യ സുതപ സിക്ദറിനും മക്കൾക്കുമൊപ്പം ഇർഫാൻ മുംബൈയിലാണ് താമസിക്കുന്നത്.
2018ൽ ഇർഫാന്‍ ഖാന് ന്യൂറോ എൻഡോക്രൈൻ ട്യൂമർ കണ്ടെത്തിയിരുന്നു. അപൂർവമായ് പിടിപെടുന്ന രോഗമാണ് ട്യൂമര്‍ എൻഡോക്രൈൻ. രോഗബാധ കണ്ടെത്തിയതിനെ തുടര്‍ന്ന് ഇർഫാൻ വിദേശത്ത് ചികിത്സ തേടിയിരുന്നു. ചികിത്സ കഴിഞ്ഞ് അടുത്തിടെയാണ് താരം അഭിനയരംഗത്ത് വീണ്ടും സജീവമായത്. അംഗ്രേസി മീഡിയമാണ് ഇർഫാന്റേതായ് പുറത്തിറങ്ങിയ ഏറ്റവും പുതിയ സിനിമ. കഴിഞ്ഞ ശനിയാഴ്ച്ചയാണ് ഇർഫാൻ ഖാന്റെ മാതാവ് സയീദ ബീഗം അന്തരിച്ചത്. ലോക്ക്ഡൗൺ കാരണം ഇർഫാൻ ഖാന് അവസാനമായി മാതാവിനെ കാണാനോ സംസ്കാര ചടങ്ങില്‍ പങ്കെടുക്കാനോ കഴിഞ്ഞിരുന്നില്ല.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക.
