August 11, 2020
August 11, 2020
ദോഹ : ദോഹയിൽ കഴിഞ്ഞ ദിവസം കോവിഡ് ബാധിച്ചു മരിച്ച തലശേരി കതിരൂർ സ്വദേശിയും ഖത്തർ ഇൻകസിന്റെ സജീവ പ്രവർത്തകനുമായിരുന്ന അബ്ദുൽ റഹീമിന്റെ വിയോഗമുണ്ടാക്കിയ നടുക്കത്തിലാണ് ഖത്തറിലെ പ്രവാസി മലയാളികൾ. ഖത്തർ ഇൻകാസിന്റെ തലശേരി മണ്ഡലം പ്രസിഡന്റ് കൂടിയായിരുന്ന അബ്ദുൽ റഹീം കോവിഡ് ബാധിതരായവർക്ക് സഹായങ്ങൾ എത്തിക്കുന്നതിൽ അവസാന ഘട്ടം വരെ കർമ രംഗത്ത് സജീവമായി പ്രവർത്തിച്ച ശേഷമാണ് കോവിഡിനും തുടർന്ന് മരണത്തിനും കീഴടങ്ങിയത്.ദുരിതബാധിതർക്ക് സഹായങ്ങൾ എത്തിക്കുന്നതിനിടെ രോഗബാധിതനായ അദ്ദേഹത്തെ ദിവസങ്ങൾക്ക് മുമ്പാണ് സുഹൃത്തുക്കൾ ബിൻ മഹമൂദിലെ താമസസ്ഥലത്ത് ഐസൊലേഷനിലേക്ക് മാറ്റിയത്. കാര്യമായ രോഗലക്ഷണങ്ങളൊന്നും ഇല്ലാതിരുന്ന അദ്ദേഹത്തിന് രണ്ടു ദിവസം മുമ്പ് കടുത്ത ശ്വാസ തടസ്സം അനുഭവപ്പെടുകയും ഹമദിലേക്ക് മാറ്റുകയുമായിരുന്നു. ഇന്നലെ രാവിലെ പതിനൊന്നരയോടെയായിരുന്നു അന്ത്യം.ഭാര്യയും മൂന്നു മക്കളുമുണ്ട്.അടുത്തിടെയാണ് റഹീം കുടുംബത്തെ നാട്ടിലേക്ക് അയച്ചത്.
സാധാരണക്കാരുടെ പ്രശ്നങ്ങളിൽ നിസ്വാർത്ഥമായി ഇടപെടുന്ന സാമൂഹ്യപ്രവർത്തകനായിരുന്നു അബ്ദുൽ റഹീം എന്ന് ഇൻകാസ് നേതാവ് കെ.കെ.ഉസ്മാൻ അറിയിച്ചു. റഹീമിന്റെ നിര്യാണത്തിൽ ഖത്തർ ഇൻകാസ് പ്രസിഡന്റ് സമീർ ഏറാമല അനുശോചിച്ചു.
ന്യൂസ്‌റൂം വാർത്തകൾക്കുള്ള ഗ്രൂപ്പുകളിൽ ചേരാൻ +974 66200167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക.
