November 27, 2019
November 27, 2019
ദോഹ : ഖലീഫ രാജ്യാന്തര സ്റ്റേഡിയത്തിൽ ഇറാഖിനെതിരെ നടന്ന മത്സരത്തിൽ ഖത്തറിന്റെ പ്രമുഖ താരം ബസ്സം അൽ റാവിക്ക് ഗുരുതരമായി പരിക്കേറ്റത് ഖത്തറിന്റെ തുടർന്നുള്ള മത്സരങ്ങളെ പ്രതികൂലമായി ബാധിച്ചേക്കുമെന്ന് സൂചന. അറേബ്യൻ ഗൾഫ് കപ്പിൽ ഇന്നലെ നടന്ന ഖത്തർ - ഇറാഖ് പ്രഥമ മത്സരത്തിലാണ് താരത്തിന് പരിക്കേറ്റത്. റാവിയുടെ പരിക്ക് ഗുരുതരമാണെന്നും കാലിൽ പൊട്ടുള്ളതിനാൽ ശസ്ത്രക്രിയ ആവശ്യമാണെന്നും ഖത്തർ ഫുടബോൾ അസോസിയേഷൻ ട്വീറ്റ് ചെയ്തു.
അൽദുഹൈൽ ക്ലബ്ബിൽ നിന്നും ഖത്തർ ദേശീയ ടീമിലെത്തിയ ഈ ഇരുപത്തിയൊന്നുകാരന്റെ അസാന്നിധ്യം ടീമിന്റെ പ്രകടനത്തെ ബാധിച്ചേക്കുമെന്ന ആശങ്കയിലാണ് ഫുടബോൾ ആരാധകർ. മധ്യനിരയിൽ പ്രതിരോധം തീർത്തിരുന്ന റാവി കഴിഞ്ഞ ഏഷ്യാകപ്പിൽ രണ്ടു ഗോളുകൾ നേടിയിരുന്നു. ഇന്നലെ രണ്ടിനെതിരെ ഒരു ഗോളിന് ഇറാഖ് ഖത്തറിനെ തോൽപിച്ചിരുന്നു.