Breaking News
കോഴിക്കോട് തിക്കോടി സ്വദേശി ദോഹയിൽ നിര്യാതനായി | ഖത്തറിൽ മെയ് 28 ന് നിലവിൽ വരുന്ന ഇളവുകൾ എന്തൊക്കെ? | ഒമാനിൽ കോഴിക്കോട് സ്വദേശിയായ നെഴ്‌സ് കോവിഡ് ബാധിച്ച് മരിച്ചു | ഖത്തറിൽ കോവിഡ് നിയന്ത്രണങ്ങളിൽ ഇളവ്,ആദ്യഘട്ടം മെയ് 28 ന്  | കോവിഡ് മെരുങ്ങുന്നു,ഖത്തറിൽ ഇന്ന് രോഗം സ്ഥിരീകരിച്ചത് 389 പേർക്ക്  | സൗദിയിൽ വ്യാഴാഴ്ച ചെറിയ പെരുന്നാളിന് സാധ്യതയെന്ന് പ്രവചനം  | ഖത്തറിൽ പെരുന്നാൾ നമസ്കാരം രാവിലെ അഞ്ചിന് : പള്ളികളും ഈദ്ഗാഹുകളും ഇവയാണ്  | പെരുന്നാൾ അവധി : ഖത്തർ ആഭ്യന്തര മന്ത്രാലയത്തിലെയും ഫഹസ് പരിശോധനാകേന്ദ്രങ്ങളിലെയും പ്രവർത്തി സമയം ഇങ്ങനെ  | നാട്ടിൽ നിന്ന് തിരിച്ചെത്തിയ മലപ്പുറം സ്വദേശി സൗദിയിലെ അൽഖോബാറിൽ നിര്യാതനായി  | വാക്സിനെടുത്ത ഗൾഫ് പൗരൻമാർക്കും അവരുടെ വീട്ടുജോലിക്കാര്‍ക്കും ഖത്തറില്‍ ക്വാറന്‍റൈന്‍ ഇളവ് |
ബംഗളുരുവിൽ സംഘർഷവും വെടിവെപ്പും,രണ്ടു മരണം

August 12, 2020

August 12, 2020

ബംഗളൂരു : കോൺഗ്രസ് എംഎൽഎ ശ്രീനിവാസ് മൂർത്തിയുടെ ബന്ധുവിന്റെ പേരിലുള്ള വിവാദ ഫേസ്ബുക്ക് പോസ്റ്റിന് പിന്നാലെ  ബംഗളൂരുവിലുണ്ടായ സംഘർഷത്തിൽ പോലീസുകാർ ഉൾപെടെ നിരവധി പേർക്ക് പരിക്കേറ്റു. പോലീസ് നടത്തിയ വെടിവെപ്പിൽ രണ്ടു പേർ മരിച്ചു.

ബംഗളൂരുവിലെ ഡിജി ഹള്ളി, കെജി ഹള്ളി എന്നിവിടങ്ങളിലാണ് സംഘർഷം പൊട്ടിപുറപ്പെട്ടത്. സംഘർഷം ചെറുക്കാൻ കണ്ണീർ വാതകവും, ലാത്തി ചാര്ജും നടത്തി.തുടർന്നുണ്ടായ വെടിവയ്പ്പിലാണ് രണ്ട് പേർ മരിച്ചത്്. അറുപതോളം പൊലീസുകാർക്ക് പരുക്കേറ്റതായി പൊലീസ് വൃത്തങ്ങൾ അറിയിച്ചു.

അതേസമയം, തന്റെ പ്രവർത്തകരോട് സമാധാനം പാലിക്കാൻ ആവശ്യപ്പെട്ട് എംഎൽഎ ശ്രീനിവാസ് മൂർത്തി സന്ദേശം അയച്ചു. കെജി ഹള്ളിയിലും, ഡിജി ഹള്ളിയിലും നിരോധനാജ്ഞ പ്രഖ്യാപിച്ചിട്ടുണ്ട്.

ഇന്നലെ രാത്രി 7 മണിയോടെയാണ് കലാപം തുടങ്ങിയത്. ബെംഗളൂരു പുലികേശി നഗറിലെ കോൺഗ്രസ് എംഎൽഎ അഖണ്ഡ ശ്രീനിവാസ മൂർത്തിയുടെ സഹോദരിയുടെ മകൻ നവീൻ മതവിദ്വേഷം വളർത്തുന്ന കുറിപ്പ് ഫേസ്‌ബുക്കിൽ പോസ്റ്റ് ചെയ്തതുമായി ബന്ധപ്പെട്ടുണ്ടായ പ്രശ്നങ്ങളാണ് സംഘര്‍ഷത്തിലേക്ക് നയിച്ചത്. സമൂഹമാധ്യമങ്ങളിലൂടെ ഇതുമായി ബന്ധപ്പെട്ട് വ്യാജവാര്‍ത്തകളടക്കം പ്രചരിച്ചതും പ്രശ്നങ്ങൾ കൂടുതൽ ഗുരുതരമാക്കി.

ഒരു മതവിഭാഗത്തിലെ പതിനായിരക്കണക്കിന് വരുന്ന കൂട്ടം കെജി ഹള്ളി പൊലീസ് സ്റ്റേഷന് മുന്നിൽ തടിച്ചുകൂടുകയും പൊലീസ് വാഹനങ്ങൾ കത്തിക്കുകയുമായിരുന്നു. ഫേസ്ബുക്ക് പോസ്റ്റിട്ട നവീനിന്റെ അറസ്റ്റ് ആവശ്യപ്പെട്ടാണ് അക്രമം. ഇതിന് പിന്നാലെ എംഎൽഎയുടെ വീട് അഗ്നിക്കിരയാക്കി. പൊലീസ് സ്റ്റേഷൻ കത്തിക്കാനും ശ്രമിച്ചു. കൂടുതൽ പൊലീസ് സേന സ്ഥലത്തെത്തിയിട്ടും സംഘർഷത്തിന് അയവില്ലാതെ വന്നതോടെ പൊലീസ് വെടിയുതിർക്കുകയായിരുന്നു. വിവാദത്തിന് പിന്നാലെ  ഫേസ്ബുക്ക് പോസ്റ്റ്  ഡിലീറ്റ് ചെയ്തുവെങ്കിലും അപ്പോഴേക്കും കാര്യങ്ങൾ കൈവിട്ടുപോയിരുന്നു. എംഎൽഎയുടെ വീടിന് മുമ്പിൽ വലിയ ജനക്കൂട്ടം രോക്ഷാകുലരായി എത്തുകയും രണ്ട് കാറുകൾ അഗ്നിക്കിരയാക്കുകയും ചെയ്തു. തുടർന്ന് ഇരുവിഭാഗവും തമ്മിൽ ഏറ്റുമുട്ടലുണ്ടായി.

സംഘർഷത്തെ തുടർന്ന് ബംഗളൂരു നഗരപരിധിയിൽ നിരോധനാജ്ഞയും ഡി ജെ ഹള്ളി, കെജെ ഹള്ളി പൊലീസ് സ്റ്റേഷൻ പരിധികളിൽ കർഫ്യൂവും പ്രഖ്യാപിച്ചിട്ടുണ്ട്‌.

ന്യൂസ്‌റൂം വാർത്തകൾക്കുള്ള ഗ്രൂപ്പുകളിൽ ചേരാൻ +974 66200167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക.


ന്യൂസ്‌റൂം വാർത്തകൾ ടെലിഗ്രാമിൽ ലഭിക്കാൻ ജോയിൻ ചെയ്യുക

Latest Related News