August 25, 2019
August 25, 2019
മനാമ: ദ്വിദിന സന്ദര്ശനത്തിന് ബഹ്റൈനിലെത്തിയ ഇന്ത്യന് പ്രധാനമന്ത്രി നരേന്ദ്ര മോദിക്ക് ബഹ്റൈന് ഭരണകൂടം പരമോന്നത ബഹുമതി നല്കി ആദരിച്ചു. രാജാവ് ഹമദ് ബിന് ഈസ അല് ഖലീഫയാണ് പുരസ്കാരം സമ്മാനിച്ചത്.
കഴിഞ്ഞ ദിവസം യു.എ.ഇയില്നിന്ന് ബഹ്റൈന് സമയം ഉച്ചക്ക് 3.30 നാണ് മോദി എത്തിയത്. ബഹ്റൈന് പ്രധാനമന്ത്രി പ്രിന്സ് ഖലീഫ ബിന് സല്മാന് അല് ഖലീഫയുടെ നേതൃത്വത്തിലായിരുന്നു സ്വീകരണം. തുടര്ന്ന് ബഹ്റൈന് രാജാവ് ഹമദ് ബിന് ഈസ അല് ഖലീഫ, പ്രിന്സ് ഖലീഫ ബിന് സല്മാന് അല് ഖലീഫ എന്നിവരുമായി അദ്ദേഹം ചര്ച്ചനടത്തി.
റഫയിലെ നാഷനല് സ്റ്റേഡിയത്തില് ബഹ്റൈനിലെ ഇന്ത്യന് പ്രവാസി സമൂഹത്തെ മോദി അഭിസംബോധന ചെയ്തു. ഇരുപതിനായിരത്തോളം ഇന്ത്യന് പ്രവാസികള് പങ്കെടുത്തു.