Breaking News
ദുബായില്‍ ഒറ്റത്തവണ ഉപയോഗിക്കാവുന്ന ഉല്‍പ്പന്നങ്ങള്‍ പൂര്‍ണമായും നിരോധിക്കുന്നു | ദോഹ എക്സ്പോ 2023 ന് ഇന്ന് തിരശ്ശീല വീഴും  | അബ്ദുൾനാസർ മഅ്ദനിയുടെ ആരോഗ്യനില ഗുരുതരമെന്ന് റിപ്പോർട്ട്, വെന്റിലേറ്ററിലേക്ക് മാറ്റി | റമദാനിലെ അവസാന 10 ദിവസങ്ങളിൽ തന്നെ ഫിത്വർ സകാത്ത് നൽകിത്തുടങ്ങാമെന്ന് ഖത്തർ മതകാര്യ മന്ത്രാലയം | 'ഐ ലവ് സൗദി അറേബ്യ,' വിരമിക്കുന്നതിനെ കുറിച്ച് ഇപ്പോൾ ചിന്തിക്കുന്നില്ലെന്ന് ലയണൽ മെസ്സി | ഖത്തറിൽ പ്രമുഖ മെഡിക്കൽ സർവീസ് കമ്പനിയിലേക്ക് ഡ്രൈവറെ ആവശ്യമുണ്ട്; ഇപ്പോൾ അപേക്ഷിക്കാം | ഖത്തറിൽ എലൈറ്റ് എക്സിബിഷൻ ആരംഭിച്ചു  | കുവൈത്തിൽ തെരഞ്ഞെടുപ്പ് പരസ്യ ചട്ടങ്ങൾ ലംഘിച്ചാൽ വൻ തുക പിഴ | ഈദുൽ ഫിത്വർ: ഖത്തറിൽ ജനന-മരണ സർട്ടിഫിക്കറ്റ് നൽകുന്നതിനുള്ള സമയം പ്രഖ്യാപിച്ചു | മിഡിൽ ഈസ്റ്റ് മേഖലയിൽ എൽഎൻജി ദ്രവീകരണ ശേഷിയുടെ 75 ശതമാനവും ഖത്തറിന്  |
സൗദിയുടെ പ്രതിരോധത്തിന് മുന്നിൽ ഖത്തർ വഴങ്ങി,ഫൈനലിൽ സൗദിയും ബഹ്‌റൈനും ഏറ്റുമുട്ടും 

December 05, 2019

December 05, 2019

ദോഹ : അറേബ്യൻ ഗൾഫ് കപ്പിൽ ഇന്ന് നടന്ന രണ്ടാമത് മത്സരത്തിൽ എതിരില്ലാത്ത ഒരു ഗോളിന് സൗദി അറേബ്യ ഖത്തറിനെ പരാജയപ്പെടുത്തി. കളിയുടെ തുടക്കം മുതൽ പ്രതിരോധത്തിലൂന്നി മുന്നോട്ടു നീങ്ങിയ സൗദി ഒരു ഘട്ടത്തിലും ഖത്തറിന് മേധാവിത്തം അനുവദിച്ചില്ല. ഇരുപത്തിയെട്ടാം മിനുട്ടിൽ അബ്ദുല്ല അൽ ഹംദാൻ സൗദിക്ക് വേണ്ടി നേടിയ ഗോൾ മടക്കി നൽകാൻ ഖത്തർ പരമാവധി ശ്രമിച്ചെങ്കിലും സൗദിയുടെ ശക്തമായ പ്രതിരോധത്തിന് മുന്നിൽ എല്ലാ ശ്രമങ്ങളും പാഴാവുകയായിരുന്നു.

മത്സരത്തിന്റെ തുടക്കത്തിൽ ഇറാഖിനോട് പരാജയം ഏറ്റുവാങ്ങിയെങ്കിലും തുടർന്നുള്ള മത്സരങ്ങളിൽ ഖത്തർ ശക്തമായ തിരിച്ചു വരവ് നടത്തിയിരുന്നു. ഏറ്റവുമൊടുവിൽ യു.എ.ഇ യുമായി നടന്ന മത്സരത്തിൽ രണ്ടിനെതിരെ നാല് ഗോളുകൾക്കാണ് ഖത്തർ വിജയം ഉറപ്പിച്ചത്. എന്നാൽ ഇന്ന് നടന്ന മത്സരത്തിൽ ഖത്തറിന്റെ എല്ലാ യുദ്ധമുറകളും പരാജയപ്പെടുകയായിരുന്നു.

സെമിഫൈനലിൽ ഗോൾരഹിത പരാജയം ഏറ്റുവാങ്ങിയതോടെ ഖത്തർ ടൂർണമെന്റിൽ നിന്നും പുറത്തായി. അതേസമയം ഇന്ന് നടന്ന ആദ്യമത്സരത്തിൽ പെനാൽറ്റി കിക്കിലൂടെ ഇറാഖിനെ പരാജയപ്പെടുത്തി ബഹ്‌റൈൻ ഫൈനലിൽ കടന്നു. ഡിസംബർ എട്ടിന് നടക്കുന്ന മത്സരത്തിൽ ബഹ്‌റൈനും സൗദിയും ഏറ്റുമുട്ടും.


Latest Related News