March 22, 2020
March 22, 2020
ദോഹ : ഖത്തറിൽ വീടുകളിലെ കരുതൽ താമസ വ്യവസ്ഥകൾ ലംഘിച്ചതിന് 9 സ്വദേശികളെ കൂടി പോലീസ് അറസ്റ്റ് ചെയ്തു. പുറം രാജ്യങ്ങളില്‍ നിന്ന് ഖത്തറിലേക്ക് കുടുംബമായി വന്നവര്‍ക്ക് സര്‍ക്കാരിന്‍റെ ക്വാറന്‍റൈന്‍ സെന്‍ററുകളിലോ സ്വന്തം വീട്ടിലോ ക്വാറന്‍റൈനില്‍ കഴിയാൻ അനുവാദമുണ്ട്.. എന്നാല്‍ വീട്ടില്‍ ക്വാറന്‍റൈനില്‍ കഴിയണമെങ്കില്‍ പ്രത്യേക വ്യവസ്ഥകള്‍ ഉള്‍പ്പെട്ട പ്രതിജ്ഞാ പത്രം ഒപ്പിട്ടുനല്‍കണം. ഈ പ്രതിജ്ഞകള്‍ തെറ്റിച്ചുവെന്ന കുറ്റം ചുമത്തിയാണ് ഇവരെ അറസ്റ്റ് ചെയ്തത്. അറസ്റ്റിലായവര്‍ എല്ലാവരും ഖത്തരി പൌരന്മാരാണ്. ഇവരെ തുടര്‍നടപടികള്‍ക്കായി പബ്ലിക് പ്രോസിക്യൂഷന് കൈമാറുമെന്നും അധികൃതര്‍ അറിയിച്ചു.
രണ്ടു ദിവസം മുമ്പ് വീഴ്ച വരുത്തിയ പത്തു സ്വാദേശികളെ അറസ്റ്റ് ചെയ്തിരുന്നു.
ന്യൂസ്‌റൂം വാർത്തകൾ മുടങ്ങാതെ ലഭിക്കാത്തവർ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക.
