March 12, 2021
March 12, 2021
ദോഹ: ഉം ലെഖ്ബ ഇന്റര്ചേഞ്ചിനടുത്തുള്ള അല് സാബാഹ് അല് അഹ്മദ് കോറിഡോറില് പുതിയ പാലം വെള്ളിയാഴ്ച തുറക്കുമെന്ന് ഖത്തറിലെ പൊതുമരാമത്ത് അതോറിറ്റിയായ അഷ്ഗല് അറിയിച്ചു. സിഗ്നലുള്ള ജങ്ഷന് 500 മീറ്റര് നീളമുള്ള പാലത്തിലൂടെ മറികടക്കുന്നതിനാല് അല് റയാന്, അല് ലുക്ത എന്നിവിടങ്ങളില് നിന്ന് താനി ബിന് ജാസിം സ്ട്രീറ്റിലേക്കും അല് ഗറഫയിലേക്കുമുള്ള ഗതാഗതം പാലം തുറക്കുന്നതോടെ സുമമാകുമെന്നും അഷ്ഗല് ട്വിറ്ററിലൂടെ അറിയിച്ചു.
ഓരോ ദിശയിലേക്കും രണ്ട് പാതകള് വീതമാണ് പാലത്തില് ഉള്ളത്. മണിക്കൂറില് 4000 വാഹനങ്ങള്ക്ക് പാലത്തിലൂടെ സഞ്ചരിക്കാന് കഴിയും. നേരത്തേ അറിയിച്ചത് പോലെ സാബാഹ് അല് അഹമ്മദ് കോറിഡോറിന്റെ ശേഷിക്കുന്ന സെക്ഷനുകളുടെ ഭാഗമായാണ് പാലം തുറക്കുന്നതെന്ന് അഷ്ഗല് പറഞ്ഞു. ജനറല് ഡയറക്ടറേറ്റ് ഓഫ് ട്രാഫിക്കുമായി സഹകരിച്ചാണ് അഷ്ഗല് പാലം തുറക്കുന്നത്.
ന്യൂസ് റൂം വാര്ത്തകള് വാട്ട്സ്ആപ്പില് മുടങ്ങാതെ ലഭിക്കാനായി ഇവിടെ ക്ലിക്ക് ചെയ്ത് മെസേജ് അയക്കൂ.
ന്യൂസ് റൂം വാര്ത്തകള് ടെലിഗ്രാമില് മുടങ്ങാതെ ലഭിക്കാനായി ഇവിടെ ക്ലിക്ക് ചെയ്യൂ.
ന്യൂസ് റൂം വാർത്തകൾ ഫേസ്ബുക്കിൽ ലഭിക്കാനായി ഇവിടെ ക്ലിക്ക് ചെയ്ത് പേജ് ലൈക്ക് ചെയ്യൂ.