December 29, 2018
December 29, 2018
ജറുസലം: പലസ്തീന്‍ ഇസ്രേലി സമാധാനത്തിനുവേണ്ടി ശബ്ദമുയര്‍ത്തുകയും ദ്വിരാഷ്ട്ര വാദത്തെ അനുകൂലിക്കുകയും ചെയ്ത വിശ്രുത ഇസ്രേലി സാഹിത്യകാരന്‍ ആമോസ് ഓസ്(79) നിര്യാതനായി. കാന്‍സര്‍രോഗബാധിതനായിരുന്നു.
ലബനനിലും ഗാസയിലും ഇസ്രേലി സൈനിക നടപടി ഉണ്ടായ അവസരങ്ങളില്‍ സംയമനത്തിനും ചര്‍ച്ചയ്ക്കും വേണ്ടി ശബ്ദമുയര്‍ത്തിയ ആമോസ് ഇസ്രയേലില്‍ ഏറെ വായിക്കപ്പെട്ട എഴുത്തുകാരനാണ്. 2002ല്‍ പുറത്തിറങ്ങിയ ആത്മകഥാംശമുള്ള എ ടെയില്‍ ഓഫ് ലവ് ആന്‍ഡ് ഡാര്‍ക്നസാണു മികച്ച കൃതി. നതാലി പോര്‍ട്ട്മാന്‍റെ സംവിധാനത്തില്‍ 2015ലായിരുന്നു ഇതിന്‍റെ ചലച്ചിത്രാവിഷ്കാരം.നതാലി ഇതില്‍ അഭിനയിച്ചിട്ടുമുണ്ട്.
നോവലുകളും ചെറുകഥകളും പ്രബന്ധങ്ങളും ഉള്‍പ്പെട ഒട്ടേറെ കൃതികള്‍ രചിച്ചു. ഇസ്രയേല്‍ പുരസ്കാരം, ഫ്രഞ്ച് ലീജിയന്‍ ഓഫ് ഓണര്‍, ഗഥെ പുരസ്കാരം എന്നിവ ഉള്‍പ്പെടെ നിരവധി ബഹുമതികള്‍ നേടിയ ആമോസിന്‍റെ രചനകള്‍ 45 ഭാഷകളില്‍ പരിഭാഷപ്പെടുത്തിയിട്ടുണ്ട്.
