February 26, 2021
February 26, 2021
ദോഹ: ഖത്തര്‍ അമീര്‍ ശൈഖ് തമീം ബിന്‍ ഹമദ് അല്‍താനിക്ക് കുവൈത്ത് അമീര്‍ ശൈഖ് നവാഫ് അല്‍ അഹമ്മദ് അല്‍ ജാബറിന്റെ സന്ദേശം. അമീരി ദിവാനിലെത്തി ഖത്തര്‍ അമീറുമായി കൂടിക്കാഴ്ച നടത്തിയ കുവൈത്ത് വിദേശകാര്യ മന്ത്രി ശൈഖ് ഡോ. അഹമ്മദ് നാസര്‍ അല്‍ മുഹമ്മദ് അല്‍ സാബഹ് ആണ് രേഖാമൂലമുള്ള സന്ദേശം കൈമാറിയത്.
ഖത്തറും കുവൈത്തും തമ്മിലുള്ള ആഴത്തിലുള്ള സാഹോദര്യം, അതിനെ പിന്തുണയ്ക്കുന്നതിനുള്ള മാര്‍ഗങ്ങള്‍, പരസ്പരം താല്‍പ്പര്യമുള്ള വിഷയങ്ങള്‍ എന്നിവയുമായി ബന്ധപ്പെട്ടതാണ് കുവൈത്ത് അമീറിന്‍രെ സന്ദേശം.
കൂടിക്കാഴ്ചയുടെ തുടക്കത്തില്‍ തന്നെ കുവൈത്ത് വിദേശകാര്യ മന്ത്രി ഖത്തര്‍ അമീറിന് കുവൈത്ത് അമീറിന്റെ ആശംസകള്‍ അറിയിച്ചു. അമീറിന് നല്ല ആരോഗ്യവും സന്തോഷവും ഉണ്ടാകട്ടെയെന്നും ഖത്തറിലെ ജനങ്ങള്‍ക്ക് കൂടുതല്‍ പുരോഗതിയും സമൃദ്ധിയും ഉണ്ടാകട്ടെയെന്നുമാണ് കുവൈത്ത് അമീര്‍ ആശംസിച്ചത്.
മറുപടിയില്‍ കുവൈത്ത് അമീറിന് നല്ല ആരോഗ്യം ആശംസിച്ച ഖത്തര്‍ അമീര്‍ കുവൈത്ത് ജനതയ്ക്ക് കൂടുതല്‍ പുരോഗതിയും സമൃദ്ധിയും നേര്‍ന്നു. തന്റെ ആശംസ കുവൈത്ത് അമീറിനെ അറിയിക്കാന്‍ ഖത്തര്‍ അമീര്‍ കുവൈത്ത് വിദേശകാര്യ മന്ത്രിയെ ചുമതലപ്പെടുത്തി.
ന്യൂസ് റൂം വാര്‍ത്തകള്‍ വാട്ട്‌സ്ആപ്പില്‍ മുടങ്ങാതെ ലഭിക്കാനായി ഇവിടെ ക്ലിക്ക് ചെയ്ത് മെസേജ് അയക്കൂ.
ന്യൂസ് റൂം വാര്‍ത്തകള്‍ ടെലിഗ്രാമില്‍ മുടങ്ങാതെ ലഭിക്കാനായി ഇവിടെ ക്ലിക്ക് ചെയ്യൂ.
ന്യൂസ് റൂം വാർത്തകൾ ഫേസ്ബുക്കിൽ ലഭിക്കാനായി ഇവിടെ ക്ലിക്ക് ചെയ്ത് പേജ് ലൈക്ക് ചെയ്യൂ.
