November 28, 2019
November 28, 2019
ദോഹ : പാസ്പോർട്ട് റദ്ദാക്കിയെന്ന് അറിയിച്ചുകൊണ്ട് ഖത്തറിലെ പല ഇന്ത്യക്കാർക്കും വ്യാജ ഫോൺ കോളുകൾ ലഭിക്കുന്നതായി പരാതി ലഭിച്ചിട്ടുണ്ടെന്ന് ഖത്തറിലെ ഇന്ത്യൻ എംബസി മുന്നറിയിപ്പ് നൽകി. ഇന്ത്യൻ എംബസിയിൽ നിന്നാണെന്ന് തെറ്റിദ്ധരിപ്പിച്ചാണ് പലർക്കും ഇത്തരം ഫോൺ കോളുകൾ ലഭിച്ചതെന്നും ഒരു കാരണവശാലും പാസ്പോർട്ട് നമ്പർ,ഖത്തർ ഐഡി നമ്പർ,പാൻ കാർഡ് നമ്പർ എന്നിവ ഉൾപെടെയുള്ള വ്യക്തിഗത വിവരങ്ങൾ ഇവർക്ക് കൈമാറരുതെന്നും എംബസി നിർദേശിച്ചു. ഇത്തരം വ്യാജ സന്ദേശങ്ങൾ ലഭിച്ചാൽ cons.doha@mea.gov.in എന്ന ഇ-മെയിൽ വിലാസത്തിൽ വിവരം അറിയിക്കണമെന്നും ഖത്തറിലെ ഇന്ത്യൻ സമൂഹത്തോട് ഇന്ത്യൻ എംബസി ആവശ്യപ്പെട്ടു.
