August 15, 2020
August 15, 2020
കാബൂൾ : അഫ്ഗാന്‍ സമാധാന കരാറിന്റെ ഭാഗമായി താലിബാന്‍ തടവുകാരെ അഫ്ഗാൻ ഭരണകൂടം വിട്ടയച്ചു തുടങ്ങി. 400 തടവുകാരിൽ 80 പേരെയാണ് ആദ്യഘട്ടത്തിൽ വിട്ടയക്കുന്നതെന്ന് ദേശീയ സുരക്ഷാ ഉപദേഷ്ടാവിന്റെ പ്രതിനിധി ജാവിദ് ഫൈസല്‍ അറിയിച്ചു. പകരം 86 തടവുകാരെ മോചിപ്പിച്ചതായി താലിബാന്‍ വ്യക്തമാക്കി.
വിട്ടയക്കുന്ന 400 പേരില്‍ ഗുരുതരമായ കുറ്റകൃതൃം ചെയ്തവരും ഉൾപെടും.മന്ത്രിസഭാ യോഗം ചേർന്നാണ് അഫ്ഗാന്‍ പ്രസിഡന്റ് അഷ്റഫ് ഗനി തീരുമാനമെടുത്തത്. ഇവരെ വിട്ടയക്കുന്നത് സമാധാനത്തിന് ഭംഗമുണ്ടാക്കുമോ എന്ന ആശങ്കയും പ്രസിഡന്റ് ഉന്നയിച്ചിരുന്നു. ഫെബ്രുവരിയില്‍ അമേരിക്കയും താലിബാനുമായി ഒപ്പിട്ട കരാർ പ്രകാരമാണ് ഇരുവിഭാഗത്തുനിന്നുള്ള തടവുകാരെയും ഘട്ടഘട്ടമായി വിട്ടയക്കുന്നത്. 5000 താലിബാൻ തടവുകാരെയും വിമോചന സംഘടന തട്ടിക്കൊണ്ടുപോയ 1000 സര്‍ക്കാര്‍, സൈനിക ഉദ്യോഗസ്ഥന്‍മാരെയും പരസ്പരം വിട്ടയക്കണമെന്നതാണ് കരാര്‍. യുദ്ധാനന്തര അഫ്ഗാനിസ്ഥാനെക്കുറിച്ച്‌ കൂടുതല്‍ ചര്‍ച്ചകള്‍ ആഗസ്ത് 20ഓടു കൂടി നടക്കും.
ന്യൂസ്‌റൂം വാർത്തകളും തൊഴിൽ സംബന്ധമായ അറിയിപ്പുകളും വാട്സ്ആപ്പിൽ മുടങ്ങാതെ ലഭിക്കാൻ ഈ ലിങ്കിൽ ചേരുക
