September 29, 2019
September 29, 2019
Photo : Abbas Ali
അബൂദബി: ഖത്തര് വേദിയാകുന്ന ലോക അത്ലറ്റിക്സ് ചാംപ്യന്ഷിപ്പിന്റെ ഉദ്ഘാടന ചടങ്ങും മാരത്തോണ് ഉദ്ഘാടനവും സംപ്രേഷണം ചെയ്യാതെ അബൂദബി സ്പോര്ട്സ് ചാനല്. 2019 ഐ.എ.എഫ് വേള്ഡ് അത്ലറ്റിക്സ് ചാംപ്യന്ഷിപ്പിന്റെ സമ്പൂര്ണ സംപ്രേഷണാവകാശം സ്വന്തമാക്കിയിട്ടുണ്ടെങ്കിലും ഖത്തർ അമീർ പങ്കെടുത്ത ഉത്ഘാടന ചടങ്ങ് ചാനല് പുറത്തുവിട്ടില്ല. ഇതിനെതിരെ സമൂഹ മാധ്യമങ്ങളിലും മറ്റുമായി കായികപ്രേമികള്ക്കിടയില് പ്രതിഷേധം പുകയുന്നുണ്ട്.
മാസങ്ങള്ക്കു മുമ്പ് യു.എ.ഇയില് നടന്ന ഏഷ്യാ കപ്പ് വളരെ കൃത്യമായി സംപ്രേഷണം ചെയ്ത ഖത്തര് സ്പോര്ട്സ് ചാനലുകളായ ബിഇന് സ്പോര്ട്സ്, അല്കാസ് എന്നിവയെ ഉദാഹരണമായി ചൂണ്ടിക്കാട്ടിയാണു കാണികള് അബൂദബി സ്പോര്ട്സ് ചാനലിനെതിരെ രംഗത്തെത്തിയിരിക്കുന്നത്. ചാനലിന്റെ മാധ്യമസംഘം ഉത്ഘാടന ചടങ്ങുകൾ കൃത്യമായി തന്നെ പകര്ത്തിയെങ്കിലും സംപ്രേഷണം ചെയ്തിരുന്നില്ല. ഇതിനെതിരെ രാജ്യാന്തര ഒളിംപിക് കമ്മിറ്റി നടപടി സ്വീകരിക്കണമെന്നും ആവശ്യം ഉയര്ന്നിട്ടുണ്ട്.
ചാനലിന്റെ സംപ്രേഷണ സമയക്രമീകരണത്തില് അത്ലറ്റിക്സ് ചാംപ്യന്ഷിപ്പ് ഉൾപെടുത്തിയിരുന്നെങ്കിലും ഈ സമയത്ത് ജുഡോ ചാംപ്യന്ഷിപ്പിന്റെ ദൃശ്യങ്ങളാണ് ചാനല് പുറത്തുവിട്ടത്. കായിക പ്രേമികളായ ചാനല് വരിക്കാര്ക്കെതിരായ അവകാശലംഘനമാണിതെന്ന് നിരവധി പേര് അഭിപ്രായപ്പെട്ടു.