August 17, 2020
August 17, 2020
ഇസ്താംബൂൾ : തുര്ക്കിയുടെ പ്രഥമ വനിതയും പ്രസിഡണ്ട് റജബ് ത്വയ്യിബ് എർദോഗന്റെ ഭാര്യയുമായ എമിനെ എർദോഗനുമായി ബോളിവുഡ് താരം അമിര്ഖാന് കൂടിക്കാഴ്ച നടത്തി.ഇസ്താംബൂളിലെ പ്രസിഡണ്ടിന്റെ വസതിയിലാണ് ആമിര്ഖാന് എമിനെ എർദോഗനുമായി കൂടിക്കാഴ്ച്ച നടത്തിയത്. ആമിര്ഖാന് മുന്നോട്ട് വെച്ച സാമൂഹ്യ പ്രതിബദ്ധത ഉയര്ത്തുന്ന പ്രൊജക്ടുകള് സംബന്ധിച്ച് സംസാരിച്ചതിന്റെ അടിസ്ഥാനത്തിലാണ് കൂടിക്കാഴ്ച്ച നടന്നതെന്നാണ് റിപ്പോര്ട്ട്.കൂടിക്കാഴ്ചയുടെ ചിത്രങ്ങൾ എമിനെ ട്വിറ്ററിൽ പങ്കുവെച്ചു.ലോകപ്രശസ്തനായ ഇന്ത്യൻ ചലച്ചിത്രതാരവുമായി കൂടിക്കാഴ്ച നടത്താൻ കഴിഞ്ഞതിൽ സന്തോഷമുണ്ടെന്നും അമീർഖാന്റെ പുതിയ ചിത്രമായ ലാൽ സിങ് ചദ്ദ ഇസ്താംബൂളിൽ ചിത്രീകരിക്കുന്നതിൽ അതിയായ സന്തോഷമുണ്ടെന്നുമായിരുന്നു അവരുടെ ട്വീറ്റ്.
ഇന്ത്യയില് വരള്ച്ച അനുഭവിക്കുന്ന സംസ്ഥാനങ്ങളില് ആമിര്ഖാന്റെ നേതൃത്വത്തില് ജലസേചന പദ്ധതികള് ആവിഷ്കരിച്ചിരുന്നു. എമിനെ എർദോഗനും സാമൂഹിക മനുഷ്യാവകാശ തലത്തിലുള്ള പ്രൊജക്ടുകളുമായി മുന്നോട്ടു പോകുന്നതായും സിനിമയിലെയും പുറത്തെയും സാമൂഹിക ഇടപെടലുകളില് തന്നെ അവര് അഭിനന്ദിച്ചതായും ആമിര് ഖാന് പറഞ്ഞു.
ഹോളിവുഡ് ചിത്രം ഫോറസ്റ്റ് ഗബ്ബിന്റെ ഹിന്ദി റീമേക്കായ ലാല് സിംഗ് ഛദ്ദയുടെ ചിത്രീകരണത്തിനായാണ് താരം കഴിഞ്ഞയാഴ്ച്ച തുര്ക്കിയിലെത്തിയത്. കോവിഡ് കാരണം ലാല് സിംഗ് ഛദ്ദയുടെ ചിത്രീകരണം മുടങ്ങിയിരുന്നു. സിനിമയുടെ ചിത്രീകരണ സ്ഥലത്തേക്ക് എമിനെ എർദോഗനെ ക്ഷണിച്ചുകൊണ്ടാണ് താരം കൂടിക്കാഴ്ച്ച അവസാനിപ്പിച്ചത്.
ന്യൂസ്റൂം വാർത്തകൾ ടെലഗ്രാമിൽ ലഭിക്കാൻ ഈ ലിങ്കിൽ ചേരുക.വാർത്തകൾ വാട്സ്ആപ്പിൽ ലഭിക്കാൻ +974 66200167 എന്ന നമ്പറിൽ ബന്ധപ്പെടുക.