September 17, 2019
September 17, 2019
റിയാദ് : റിയാദിലെ അൽ ജെറാദിയ ജില്ലയിൽ ഇരുനില കെട്ടിടത്തിലെ ഫ്ളാറ്റിന് തീപിടിച്ച് ഏഴു പേർ മരിച്ചു.കെട്ടിടത്തിൽ നിന്നും പുകപടലങ്ങൾ ഉയരുന്നത് കണ്ട സ്വദേശി പൗരനാണ് കൺട്രോൾ റൂമിൽ വിവരം അറിയിച്ചത്. തുടർന്ന് സിവിൽ ഡിഫൻസ് സ്ഥലത്തെത്തി ഒൻപത് പേരെ ആശുപത്രിയിലേക്ക് മാറ്റിയെങ്കിലും ഇവരിൽ ഏഴു പേർ മരണപ്പെടുകയായിരുന്നു.രണ്ടു പേരുടെ നില ഗുരുതരമാണ്.മരിച്ചവർ ഏതു രാജ്യക്കാരാണെന്ന് അറിവായിട്ടില്ല.
സിവിൽ ഡിഫൻസ് അധികൃതർ സ്ഥലത്തെത്തിയാണ് താമസക്കാരെ പുറത്തെത്തിച്ചത്.ഫ്ളാറ്റിന് മുന്നിലുണ്ടായിരുന്ന ഫർണിച്ചറുകൾക്ക് തീപിടിച്ചതാണ് അപകട കാരണമെന്നാണ് നിഗമനം.അന്വേഷണം ആരംഭിച്ചിട്ടുണ്ട്.