Breaking News
ദുബായില്‍ ഒറ്റത്തവണ ഉപയോഗിക്കാവുന്ന ഉല്‍പ്പന്നങ്ങള്‍ പൂര്‍ണമായും നിരോധിക്കുന്നു | ദോഹ എക്സ്പോ 2023 ന് ഇന്ന് തിരശ്ശീല വീഴും  | അബ്ദുൾനാസർ മഅ്ദനിയുടെ ആരോഗ്യനില ഗുരുതരമെന്ന് റിപ്പോർട്ട്, വെന്റിലേറ്ററിലേക്ക് മാറ്റി | റമദാനിലെ അവസാന 10 ദിവസങ്ങളിൽ തന്നെ ഫിത്വർ സകാത്ത് നൽകിത്തുടങ്ങാമെന്ന് ഖത്തർ മതകാര്യ മന്ത്രാലയം | 'ഐ ലവ് സൗദി അറേബ്യ,' വിരമിക്കുന്നതിനെ കുറിച്ച് ഇപ്പോൾ ചിന്തിക്കുന്നില്ലെന്ന് ലയണൽ മെസ്സി | ഖത്തറിൽ പ്രമുഖ മെഡിക്കൽ സർവീസ് കമ്പനിയിലേക്ക് ഡ്രൈവറെ ആവശ്യമുണ്ട്; ഇപ്പോൾ അപേക്ഷിക്കാം | ഖത്തറിൽ എലൈറ്റ് എക്സിബിഷൻ ആരംഭിച്ചു  | കുവൈത്തിൽ തെരഞ്ഞെടുപ്പ് പരസ്യ ചട്ടങ്ങൾ ലംഘിച്ചാൽ വൻ തുക പിഴ | ഈദുൽ ഫിത്വർ: ഖത്തറിൽ ജനന-മരണ സർട്ടിഫിക്കറ്റ് നൽകുന്നതിനുള്ള സമയം പ്രഖ്യാപിച്ചു | മിഡിൽ ഈസ്റ്റ് മേഖലയിൽ എൽഎൻജി ദ്രവീകരണ ശേഷിയുടെ 75 ശതമാനവും ഖത്തറിന്  |
ഇന്ത്യയിൽ 24 മണിക്കൂറിനുള്ളിൽ 40 മരണം,ലോക് ഡൗൺ നീട്ടിയേക്കും 

April 11, 2020

April 11, 2020

ന്യൂഡൽഹി : ഇന്ത്യയിൽ കോവിഡ് ബാധിതരുടെ എണ്ണം കുത്തനെ ഉയരുന്നു. മരണനിരക്കും ഗണ്യമായി ഉയരുകയാണ്. 7447 പേര്‍ക്ക് ഇതിനകം രാജ്യത്ത് വൈറസ് സ്ഥിരീകരിച്ചു. ഒരു ദിവസത്തിനിടെ മാത്രം 1036 പേര്‍ക്കാണ് കൊവിഡ് സ്ഥിരീകരിച്ചത്. രാജ്യത്ത് കൊവിഡ് റിപ്പോര്‍ട്ട് ചെയ്ത ശേഷം ആദ്യമായാണ് ആയിരത്തിന് മുകളില്‍ പേര്‍ക്ക് രോഗം സ്ഥിരീകരിച്ചത്.  24 മണിക്കൂറിനിടെ മാത്രം 40 പേരാണ് മരിച്ചത്.ഇതിനകം 236 പേര്‍ രോഗം മൂലം മരണപ്പെട്ടു. 643 പേര്‍രോഗമുക്തി തേടി.

നിലവിലെ സങ്കീര്‍ണ സാഹചര്യത്തില്‍ രാജ്യത്ത് ലോക്ക്ഡൗണ്‍ നീട്ടാൻ ധാരണയിലെത്തിയതായാണ് സൂചന.അതേസമയം,ഇക്കാര്യത്തിൽ ഔദ്യോഗിക പ്രഖ്യാപനം വന്നിട്ടില്ല..  ഇന്ന്  പ്രധാനമന്ത്രി രാജ്യത്തെ വിവിധ മുഖ്യമന്ത്രിമാരുമായി വീഡിയോ കോണ്‍ഫറന്‍സ് വഴി നടത്തിയ  ചര്‍ച്ചയിൽ ലോക് ഡൗൺ നീട്ടണമെന്ന് വിവിധ സംസ്ഥാനങ്ങൾ ആവശ്യപ്പെട്ടിരുന്നു..  ലോക്ക്ഡൗണ്‍ നീട്ടാന്‍ ഈ മാസം 30വരെ നീട്ടാന്‍ ഒഡീഷ, പഞ്ചാബ് സര്‍ക്കാറുകള്‍ തീരുമാനിച്ചിട്ടുണ്ട്. ലോക്ക്ഡൗണ്‍ നീട്ടുമെന്ന സൂചനകള്‍ രാജസ്ഥാന്‍ സര്‍ക്കാറും നല്‍കി ക്കഴിഞ്ഞു.

ഇതുസംബന്ധിച്ച ഉത്തരവ് ഉടന്‍ ഇറങ്ങും. പ്രധാനമന്ത്രി ഔദ്യോഗികമായി ഇക്കാര്യം രാജ്യത്തെ അറിയിക്കുമെന്നാണ് റിപ്പോര്‍ട്ടുകള്‍.

മാര്‍ച്ച് 24നാണ് പ്രധാനമന്ത്രി ലോക്ഡൗണ്‍ പ്രഖ്യാപിച്ചത്. ഏപ്രില്‍ 14ന് ഇതിന്റെ കാലാവധി അവസാനിക്കുന്ന സാഹചര്യത്തിലാണ് ദീര്‍ഘിപ്പിക്കുന്നത്.ലോക്ഡൗണ്‍ നീട്ടുമെങ്കിലും ചില മേഖലകള്‍ക്ക് ഇളവു നല്‍കാന്‍ സാധ്യതയുണ്ടെന്നും റിപ്പോര്‍ട്ടുകളുണ്ട്. മത്സ്യബന്ധന മേഖലയെ പൂര്‍ണമായും ലോക്ഡൗണില്‍ നിന്ന് കഴിഞ്ഞ ദിവസം ഒഴിവാക്കിയിരുന്നു. കാര്‍ഷിക മേഖലക്കും ഇളവനുവദിക്കാന്‍ സാധ്യതയുണ്ട്.

ന്യൂസ്‌റൂം വാർത്തകൾ മുടങ്ങാതെ ലഭിക്കാൻ  +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക.     


Latest Related News