April 10, 2020
April 10, 2020
ദോഹ : വെള്ളിയാഴ്ച സൗദിയിൽ മൂന്നും ബഹ്റൈനിൽ ഒരാളും കോവിഡ് ബാധിച്ച് മരണപ്പെട്ടു. 364 പേർക്കാണ് ഇന്ന് സൗദിയിൽ മാത്രം രോഗം സ്ഥിരീകരിച്ചത്.ഇതോടെ സൗദിയിൽ ആകെ രോഗികളുടെ എണ്ണം 3651 ഉം മരണം 47 ഉം ആയി ഉയര്ന്നു. 19 പേര്ക്കാണ് രോഗമുക്തി. ഇതോടെ രോഗമുക്തി നേടിയവരുടെ എണ്ണം 685 ആയി ഉയര്ന്നു. റിയാദില് മാത്രം രോഗികളുടെ എണ്ണം ആയിരം കവിഞ്ഞു. മക്കയിലാണ് ഇന്ന് ഏറ്റവും കൂടുതല് കേസുകള് റിപ്പോര്ട്ട് ചെയ്തത്. 90 പേര്ക്ക് മക്കയില് മാത്രം പുതുതായി അസുഖം സ്ഥിരീകരിച്ചു. ഇന്നത്തെ ബാക്കിയിടങ്ങളിലെ പുതിയ കേസുകള് ഇങ്ങിനെ. മദീന 78, റിയാദ് 69, ജിദ്ദ 54, തബൂക്ക് 22, ഖതീഫ് 12, ബുറൈദ 9, ദമ്മാം 6, ഹുഫൂഫ് 5, അല് റസ്സയിലും താഇഫിലും നാല് വീതം.
ബഹ്റൈനിൽ കോവിഡ് ബാധയിൽ ഒരാൾ കൂടി മരിച്ചു. ഇറാനിൽ നിന്നെത്തിയ 63 വയസുകാരനായ സ്വദേശി പൗരനാണ് മരിച്ചത്. ഇതോടെ രാജ്യത്തെ കോവിഡ് മരണം ആറായി. ഇന്ന് രാജ്യത്ത് 26 പേർക്ക് കൂടി രോഗം സ്ഥിരീകരിച്ചു. 377 പേരാണ് നിലവിൽ ചികിത്സയിൽ കഴിയുന്നത്. പുതുതായി 11 പേർ കൂടി സുഖം പ്രാപിച്ചു. ഇതോടെ ആകെ രോഗമുക്തി നേടിയവരുടെ എണ്ണം 530 ആയി.
ഗൾഫിൽ ഇതുവരെ 11000 ലധികം പേരിലാണ് കോവിഡ് 19 സ്ഥിരീകരിച്ചത്.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക.