December 03, 2019
December 03, 2019
ദോഹ : 2022 അക്കമാതൃകയിലുള്ള ലോകത്തെ ആദ്യ കെട്ടിടം ദോഹ ആസ്പയർ സോണിൽ തുറന്നു. ഖത്തറിൽ നടക്കാനിരിക്കുന്ന ലോകകപ്പിന്റെ വർഷമായ 2022 എന്ന അക്കങ്ങളുടെ മാതൃകയിലാണ് കെട്ടിടം പണികഴിപ്പിച്ചത്. പ്രധാനമന്ത്രിയും ആഭ്യന്തര മന്ത്രിയുമായ ഷെയ്ഖ് അബ്ദുല്ലാ ബിൻ നാസർ ബിൻ ഖലീഫാ അൽതാനിയാണ് കെട്ടിടത്തിന്റെ ഉത്ഘാടനം നിർവഹിച്ചത്.
ലോകകപ്പിന് ആതിഥ്യം വഹിക്കാനുള്ള അനുമതി ഖത്തറിന് ലഭിച്ചത് 2010 ഡിസംബർ രണ്ടിനായിരുന്നു. ഈ ചരിത്ര നേട്ടത്തിന്റെ ഓർമദിനമായ ഡിസംബർ രണ്ടിനാണ് കെട്ടിടം തുറന്നത്. ഖത്തറിന്റെ കായിക നേട്ടങ്ങളും സൗകര്യങ്ങളും വിശദീകരിക്കുന്ന ഹ്രസ്വ ചിത്രത്തിൻറെ പ്രദർശനവും ഉത്ഘാടനത്തോടനുബന്ധിച്ച് നടന്നു. ഉൽഘാടന ചടങ്ങിൽ നിരവധി വിശിഷ്ട വ്യക്തിത്വങ്ങളും ഷെയ്‌ഖുമാരും മുതിർന്ന കായിക ഉദ്യോഗസ്ഥരും ചടങ്ങിൽ സംബന്ധിച്ചു.
