December 21, 2020
December 21, 2020
ദോഹ : ഖത്തർ പുതിയ കറൻസികൾ വിപണിയിൽ എത്തിയതിനു പിന്നാലെ സെൻട്രൽ ബാങ്കിൻറെ നിർദേശമനുസരിച്ച് 18 ബില്ല്യൺ പഴയ റിയാൽ നോട്ടുകൾ പിൻവലിച്ച് നശിപ്പിച്ചു. ഒരു ഖത്തർ ടെലിവിഷൻ ചാനലിലെ റിപ്പോർട്ടിലാണ് ഇക്കാര്യം സ്ഥിരീകരിച്ചത്.
പുതുതായി ഇറക്കിയ ഇരുന്നൂറ് റിയാൽ ഉൾപെടെ അഞ്ചാം സീരീസിലുള്ള പുതിയ കറൻസികൾ ദേശീയ ദിനമായ ഡിസംബർ 18നാണ് സെൻട്രൽ ബാങ്ക് പുറത്തിറക്കിയത്.ഇതിന് പിന്നാലെ രാജ്യത്തെ എടിഎമ്മുകളിൽ നിന്ന് പുതിയ നോട്ടുകൾ ജനങ്ങൾ പിൻവലിച്ചു തുടങ്ങിയിരുന്നു.
ഇതിനോടകം എട്ട് ബില്ല്യൺ പുതിയ നോട്ടുകൾ ഖത്തർ സെൻട്രൽ ബാങ്ക് വിപണിയിൽ എത്തിച്ചു കഴിഞ്ഞതായി ഔദ്യോഗിക വൃത്തങ്ങളെ ഉദ്ധരിച്ച് ചാനൽ റിപ്പോർട്ട് ചെയ്തു. ഡിസംബർ 28-ാം തിയതിയോടു കൂടി എട്ട് ബില്ല്യൺ പുതിയ റിയാൽ നോട്ടുകൾ കൂടി വിപണിയിലെത്തുമെന്നും 2021 ജനുവരി അവസാനത്തോടെ മൊത്തം 20 ബില്ല്യൺ നോട്ടുകൾ വിപണയിലെത്തിക്കുമെന്നുമാണ് വിവരം.
പഴയ റിയാൽ നോട്ടുകൾ അടുത്ത 90 ദിവസത്തേക്ക് കൂടി വിപണിയിൽ ഉപയോഗിക്കാനാവുമെന്നും അത് കഴിഞ്ഞാൽ അവ ഉപയോഗരഹിതമാവുമെന്നും സെൻട്രൽ ബാങ്ക് അറിയിച്ചിരുന്നു.. 90 ദിവസങ്ങൾക്ക് ശേഷവും പഴയ നോട്ടുകൾ കയ്യിലുള്ളവർ അടുത്ത പത്ത് വർഷത്തിനുള്ളിൽ അവ ഖത്തർ സെൻട്രൽ ബാങ്കിൽ സമർപ്പിച്ച് അതേമൂല്യമുള്ള പുതിയ നോട്ടുകൾ കൈപ്പറ്റണമെന്നും ഖത്തർ സെൻട്രൽ ബാങ്ക് അറിയിച്ചിട്ടുണ്ട്.90 ദിവസങ്ങൾക്ക് ശേഷം വിപണിയിൽ ഈ നോട്ടുകൾ ഉപയോഗിക്കാൻ കഴിയില്ലെങ്കിലും ബാങ്കുകൾ വഴി മാറ്റിയെടുക്കാനാവും.
TELEGRAM
FACEBOOK PAGE
https://www.facebook.com/newsroomme
00974 66200167
